SAL7712, Act: V°131.1 (17 of 115)
Search Act
previous | next
Act V°131.1  
Act
, vervolg op R°131.1
Date: 1412-05-31

Transcription

2018-09-28 by Marijke Gevaert
Voert sprac de meye(r) van loeven aen ene(n) mathise van loxb(er)ghe seggende/
want de selve mathijs gekent en(de) gelijt hadde dat hi de waghen dreef/
en(de) mendde daer jan mutse ond(er)viele daer af hi starf dat hi daeraen/
gebroect soude hebben lijf en(de) goet of alsulke(n) broeke als de scepen(en) wisen/
souden Daer op hem de vorsc(reven) mathijs v(er)antwordde met sine(n) gelev(er)den/
voerspreke seggende dat wail wae(r) es dat hi den waghen dreef en(de)/
bi sijn
de p(er)de dreef en(de) mende en(de) want hi de p(er)de dreef soe en const/
hi den waghen niet gehouden en(de) de p(er)de gedrive(n) en(de) was hem leet dat/
de waghen omviele noch en was daer aen niet hantdadich seggende/
bi deser redene(n) dat hi van [bi van] diere aensprake(n) ongehoude(n) en(de) quijt sijn soude/
Daer op de vors(creven) meyer maendde de scepen(en) van loeve(n) soe dat de/
scepen(en) van loeven(en) wijsde(n) nae daensprake nae tv(er)antworde(n) en(de)/
nae tgoede vo(n)nisse dat de scepen(en) van loeven voe(r) gewijst hadden/
dat de vors(creven) mathijs van alsulk(er) aensprake(n) als de meyer van loeve(n)/
tot hem w(er)t gedaen hadde ongehoude(n) en(de) quijt sijn soude Cor(am)/
h(enrico) borch(oven) huffle roelant ponte b(er)theem h(er)tshals maii ulti(m)a a(n)no/
xiiii[c] xii[a]
ContributorsLieve Van Hoestenberghe , Jos Jonckheer
Moderated byLieve Van Hoestenberghe
Last update: 2017-03-29 by Xavier Delacourt