SAL7712, Act: V°215.5-R°216.1 (45 of 115)
Search Act
previous | next
Act V°215.5-R°216.1  
Act
Date: 1413-01-12

Transcription

2019-03-13 by Marijke Gevaert
It(em) h(er) jan vand(er) braken die men heet de beck(ere) priest(er) in jege/
wordicheide(n) der scepen(en) van loeven gestaen heeft gegeve(n) ende bekent/
dat hi gegeve(n) heeft ja(n)nise den smet een stuck wijngarts met/
allen sine(n) toebehoerte(n) houdende drie vierdeel of daer omtrent/
gelege(n) buyte(n) der borchporte(n) aen de nuwe veste aldaer tussche(n) de/
selve veste en(de) dbloc van houthev(er)le te houde(n) ende te hebben van/
alre heylige(n) misse naest leden tot ene(n) t(er)mine van twelf jae(re)n/
lanc deen na dande(r) daer na sond(er) middel volghende elx jaers/
hier en bynne(n) op den co(m)me(r) en(de) chijns daer [voe(r)] uut gaende te behoerle.../
en(de) gewoenleke(n) tide te v(er)gelden en(de) voert aen op tsestich gelte(n)/
loevensche wijns goit en(de) payabel te wijntide te betalen ende/
uut der gemeynde vold(er) cuypen inde p(er)sse te leve(re)n alle jae(re) den/
vorscr(even) t(er)mine duerende en(de) telke(n) t(er)mine als v(er)volghde scout voert/
es vorwarde soe wae(r) ten eyde vande(n) vors(creven) t(er)mine de vors(creven) wijng.../
bet(er) vonde(n) woude [bove(n) den co(m)me(r) d(aer) voe(r) uutgaende] na taxatie(n) van goeden knape(n) en(de) wijngarders/
dan tweentachtich rijnsche gulden(en) te wete(n) xxxvi pl(acken) der mun.../
des nu t(er) tijt in borse(n) gaende voe(r) een der vors(creven) gulden(en) gerekent/
dat de de vors(creven) her jan den vors(creven) ja(n)ne den smet dat op richte(n)
//
sal en(de) daer af rastoe(r) doen en(de) gemelt alsoe dat de selve wijng(ar)t/
arg(er) vonde(n) worde dan vors(creven) es dat dat [dan] de vors(creven) jan de smet den/
vors(creven) ja(n)ne he(re)n ja(n)ne op richte(n) sal en(de) d(aer) af rastoe(r) doen en(de) altoes na/
taxatie(n) en(de) goetduncke(n) na prise van wijngard(er)s en(de) goeden knape(n)/
en(de) om de meerre sekerheit den vors(creven) he(re)n ja(n)ne van deser oprichtinge/
te doen soe heeft de vors(creven) jan de smet een bloc lants gehete(n) verlore(n)/
cost [gelege(n)] bide(n) alboem tussche(n) de goede wencelijns sh(er)toge(n) en(de) jans scelken/
met orlove she(re)n vande(n) gronde tytule van ene(n) wittege(n) ond(er)pande/
geset alb(us) oppendorp ja(nuarii) xii
ContributorsLieve Van Hoestenberghe
Moderated byLieve Van Hoestenberghe
Last update: 2017-04-04 by Xavier Delacourt