It(em) cond si allen lieden dat sanders ts(er)vranx in jegenwordich(eit)/ der scepen(en) van loeven(en) gestaen heeft gegeve(n) en(de) bekent dat hi gegeve(n)/ heeft wout(er)en briffart van duerne thien boende(r) en(de) een half/ lants ocht daer omtrent gelege(n) te mille bide(n) den godshuys/ van ts(er)togendale in in ald(er)hande stucken aldaer te houden te hebben en(de)/ te wynne(n) van half meye naest comende [leden] tot ene(n) t(er)mine van neghe(n)/ ja(r)n lanc deen na dande(re) staphans volghende elx jairs jairs hier/ en bynne(n) op sess mudde rox en(de) een mudde taruwe(n) beyds corens goit/ en(de) payabel der maten van loeve(n) met wa(n)ne en(de) met vede(re)n wael/ bereit te sente andries misse apostels te betalen en(de) te loeve(n)/ te leve(re)n alle ja(r)e den vors(creven) t(er)mine dueren(de) en(de) telke(n) t(er)mine als v(er)volghde/ scout En(de) de vors(creven) wynne sal den vors de vors(creven) lande bynne(n) den/ vors(creven) t(er)mine eens geheellic ov(er)meste(n) en(de) de vors(creven) wynne sal de [...?]/ weyde vande(n) bossche aldaer des vors(creven) sanders jaerlex moegen/ etten En(de) de vors(creven) wynne sal de vors(creven) lande wynne(n) en(de) w(er)ve(n)/ wel en(de) loflec en(de) die late(n) ten eynde vande(n) vors(creven) t(er)mine gelijc hise/ vant tot sine(n) income(n) dats te weten [den wint(er)] art houdende iii boende(r) en(de)/ drie dachmaele lants met rogge besayt op vier voren en(de) vier/ boende(r) lants houdende omtrent v [of daer omtrent] met evene(n) besayt op twee/ voren en(de) elf dachmaele lants brake(n) eens om gedaen Hier/ af sijn borghe(n) des vors(creven) wout(er)s [als p(ri)ncipale sculde(re)n ongesundert en ongesceide(n)] wout(er) van werde van mille/ lamb(re)cht meyes van belande(n) en(de) henr(ic) de h(er)toghe van hag(er)srode/ dewelc deselve wout(er) briffart hier af heeft scadeloes quijt te/quos de(n) walt(er) briffart indempnabit borch(oven) tympel julii iii