It(em) het sijn come(n) inde banc voir meye(re) en(de) scepen(en) van loeven inde/banc alhier inden recht aldaer thoenende ene(n) b q(ui)ntijn en(de) joess(en)/ haveloes gebrueders thoenende ene(n) [scepen(en)] brieff van loeven met den welke(n)/ henric wilen haveloes der vorscr(even) kijnde(re) vad(er) beleyt was tot den/ goeden jans wilen vand(er) spout en(de) wilen m(ar)griete(n) sijns wijfs te/meerbeke gelege(n) oud(er)vader en(de) ouders oud(er)moeder der vors(creven) gebrueders/ gelege(n) te meerbeke ond(er) dande(re) begripende een half boende(r) lants gelege(n)/ inde vorscr(even) p(ro)chie op hoesbergh tussche(n) de lande des cloest(er)s van/ev(er)sb ev(er)bode en(de) jans wilen vande(n) beemde welc lant gord roelants/ houdende was en(de) versochte(n) de vorscr(even) gebrued(er)s aen den meye(re)/ van loeven dat si [hi] den vorscr(even) gorde in dien hebben woude dat hi sijn/ hande doen woude vande(n) vors(creven) goede(n) en(de) dat hen en(de) hoe(re)n beleyde laten/ volghen Op dwelc hem de vorscr(even) gord v(er)antworde seggende met/ sijne(n) gelev(er)den voerspreke dat sijn vad(er) de vors(creven) goede v(er)crege(n) hadde/ jegen henrike boegart diese v(er)crege(n) en(de) gecocht hadde jeg lant te (...)/ jegen ene(n) den vors(creven) der vors(creven) kijnde(re) oud(er)vad(er) in die hen den vors(creven)/ brief bekent hadde en(de) wile(n) m(ar)griete(n) vande(n) hove sine(n) lant wive(n)/ lang te vore(n) eer tvors(creven) beleyt gedaen was der welk(er) kijnde(re) ouder/ vad(er) men doen t(er)tijt gemeynlic hiet jan machtelde(n) [Seggende voert de selve gord dat hem de vors(creven) goede in huweleker vorwarw(er)de(n) ov(er)gegeve(n) wa(r)en] en(de) dat dit al/wae(r) wair wa(r)e dat boedt de vors(creven) gord te thoene(n) en(de) mette(n) minste(n)
//
Tot welken thoenisse de vors(creven) gord bi manissen smeyers gewijst wart/ des de selve gord volquam gelijc hi hem v(er)meten hadde alsoe dat/ de vorscr(even) scepen(en) van loeven opt vorscr(even) stuc gemaent sijnde wijsden voir/ een vo(n)nisse dat de vorscr(even) gord sijns v(er)mets volcome(n) wa(r)e en(de) dat hem de/ vors(creven) erflicheit blive(n) en(de) volghen soude Hier ov(er) wa(r)en borch(oven) sw(er)tvege(re) tymple/ gheerts willem(air) a(n)no xiiii[c] xiii[o] sept(embris) ulti(m)a