SAL7712, Act: V°366.2-R°367.1 (86 of 115)
Search Act
previous | next
Act V°366.2-R°367.1  
Act
Date: 1413-12-13

Transcription

2019-12-27 by Marijke Gevaert
It(em) henr(ic) van gheele sone jans van gheele voe(r) hem en(de) voe(r) ja(n)nise/
van gheele sine(n) brued(er) die hi daer in hier in geloeft te vervaen op/
deen side en(de) jan vand(er) dylen sone wout(er)s wile(n) vand(er) dylen op dande(r)/
side sijn come(n) in jegenwordicheide(n) der scepen(en) van loeven en(de) hebben/
hen gekeert en(de) geco(m)p(ro)mitteert van alsulke(n) weeghe(n) als de vorscr(even) jan/
vand(er) dylen en(e) gheerde creuwel den vorscr(even) henrike van gheele noch/
sculdich sijn mids den vo(n)nisse der scepen(en) van loeven(e) den vorscr(even) henrike/
voermaels aengewijst En(de) voertaen van allen ande(re)n stoete quetsuere(n)/
twisten dissentie(n) gevechte(n) eysschinge(n) en(de) aenspraken die deen p(ar)tie den/
ande(re)n eyssche(n) aenspreke(n) of [en(de)] gedaen mach hebbe(n) uut wat sake(n) die/
spruytende sijn tot opden dach van heden in segge(re)n en(de) vriendelic/
iffene(re)n dats te weten de vors(creven) henric van gheele in arnde ut(er)helicht/
van rotselair henrike van [de(n)] eynde en(de) woute(re)n van gheele en(de) de vorscr(even)/
jan vand(er) dyle in willeme van erenboudigheem reyne(re)n van liesch/
en(de) lodewike boudens In vuege(n) dat elc p(ar)tye sine(n) eyssch en(de) aensprake/
indie hi op den ande(re)n eyssche(n) en(de) aenspreke(n) wille ov(er)geve(n) sal in/
gescrifte van in dijnsdaghe naest comende in acht dage(n) sine(n) segge(re)n/
en(de) dat geschiet dat dan daer na elc p(ar)tie op des and(er)s eyssche/
sijn v(er)antworde(n) make(n) sal en(de) ov(er)geve(n) in s gescrifte bi sine(n) segge(re)n/
bynne(n) acht dage(n) dagen daer na volghende en(de) dag segge(re)n beyde/
aensprake en(de) v(er)antworde(n) dan in gescrifte hebbende dat si dan/
hoe(r) segge(n) tusschen den vorscr(even) p(ar)tie(n) seggen suele(n) bynne(n) eenre/
maent daer na volgende op dat sijs eens v en(de) van accorde gesijn/
co(n)nen en(de) soe wae(r) sijs niet eens en s gesijn en co(n)nen soe suelen/
die de vorscr(even) vier segge(re)n hier af tot ene(n) ov(er)man neme(n) meest(er)/
symoen w(er)ne(re) cyrurgijn die sijn segge(n) tyerst ov(er)gehadt beyde
//
aensprake en(de) v(er)antworde(n) tussche(n) dan en(de) des sondaeghs als me(n)/
singe(n) sal invocavit me [seggen sal] En(de) soe wae(r) enich segge(re) gebrake soe mach/
die p(ar)tye ene(n) ande(re)n in die stat kyese(n) sond(er) argelist Gelovende/
beyde de p(ar)tie(n) vast en(de) gestede te houde(n) soe wes de vorscr(even)/
segge(re)n of die ov(er)man hier af segge(n) en(de) t(er)minere(n) suele(n) sond(er)/
argelist sw(er)tvege(re) muylke dec(embris) xiii [a]
ContributorsMi-Je Van Gils
Moderated byMi-Je Van Gils
Last update: 2017-04-04 by Xavier Delacourt