It(em) willem lombart sone willems wilen lombaert in jegenwor/ dicheide(n) der scepen(en) van loeven gestaen heeft gegeve(n) en(de) bekent dat/ hi gegeve(n) gheeft janne vanden putte van wercht(er)en de goede des/ vorscr(even) willems gelege(n) ten eyken inde p(ro)chie van veltheem en(de)/ van winczele in huysen l mette(n) huysen hove(n) wy(n)nende lande/ beemde en(de) eeusele(n) daer toe hoe(re)nde uutgesceide(n) drie dachmale beemts/ gelege(n) inde p(ro)chie van winzele aen de specst(ra)te en(de) een dachmael/ lants gelege(n) inde selve p(ro)chie van winczele op den heerwech ald(aer)/ naest den goede(n) henr(ix) vande(r) calste(re)n [welc goede de vors(creven) willem alleen uut behouden sal] te houden te hebben en(de)/ te wynne(n) van half m(er)te naest voerleden tot ene(n) t(er)mine van twelf/ ja(r)en lanc deen na dande(r) staphans volgende Elx jairs hier dats/ te weten de wynnende lande elx jairs hierenbynne(n) bynne(n) op/ drieenviertich mudde en(de) een halst(er) rox goit en(de) payabel met/ wa(n)ne en(de) met vederen wael bereit der maten van loeve(n) te/ sente andries misse apostels te betalen en(de) te loeve(n) te leve(re)n alle/ ja(r)e den vors(creven) t(er)mine duerende en(de) telken t(er)mine als vervolghde scout/ Oec sal de vorscr(even) wynne vande(n) beemde(n) en(de) eeusele(n) aldaer/ jaerlex geve(n) en(de) seventhien holl(ansche) gulden(en) van goude goit en(de)/ gheve of de werde daer af in ande(re)n goede(n) gelde te sente m(er)tens/ misse inde(n) wynt(er) te betalen alle ja(r)e (et)c(etera) quolib(et) ass(ecutu)m En(de) de vors(creven)/ winne sal alle ja(r)e den vors(creven) t(er)mine duerende een boend(er) vande(n)/ vors(creven) lande op sinen cost mergele(n) Oec suele(n) elc [van hen beyden] vande(n) vorscr(even)/ willeme en(de) den wynne jaerlex den vors(creven) t(er)mine duerende/ op de mile omgaens vande(n) vors(creven) hove cope(n) xxx mandele(n)
//
stroes die vors(creven) wynne int vors(creven) hof halen en(de) brenge(n) sal e(nde)? (dat)?/ stroe met sine(n) beeste(n) est te gade(r) met alle(n) den ande(re)n stroe dat uit? de?/ vors(creven) goede come(n) sal int ette(n) en(de) mest daeraf maken en(de) d(at)?/ wed(er) op tvors(creven) lant vuere(n) slands meest p(ro)fite Item sal de/ wynne jaerlex int vorscr(even) hof leve(re)n xl mandele(n) walme(re)n goit/ en(de) custbair om die huysinge daer mede te decke(n) en(de) soe wa(n)neer/ men die v(er)decke(n) sal soe sal de vorscr(even) willem [wynne] den wercliede(n) den/ cost geve(n) en(de) willem de dachue(re)n En(de) alsoe v(er)re als des vorscr(even)/ wynne(n) beeste(n) de huysinge vand(er) nederst(er) rykele(n) nederwart breke(n)?/ sal die sal de vors(creven) wynne op sine(n) cost wed(er) doen maken En(de)/ de vors(creven) wynne sal moege(n) truncke(n) alle weechout om sijn b(er)ring(en)?/ daer af te make(n) en(de) daer voe(r) sal de selve wyne xx pote(n) jaerlex/ wed(er)setten en(de) de selve wynne en sal in thart hout gheen re...?/ hebben Oec sal de vors(creven) wynne jaerlex den vors(creven) t(er)mine duere(nde)?/ xx roede(n) grechts grave(n) aen de goede daers vest te doen w.../ sal Ite(m) sal de vors(creven) wynne jaerlex den vors(creven) t(er)mine duer(ende)?/ acht varde met sinen waghen en(de) p(er)de van te loeve(n) .../ en(de) dyene(n) En(de) soe wae(r) de wynn willem op enich jae(r) .../ de vors(creven) varde niet al en dede vare(n) soe sal de vors(creven) wyn.../ op dat jair daer af q(ui)te sijn En(de) de vors(creven) wynne sal jaerlex (dooft)?/ hebbe(n) dat inde(n) ouden boegart wassen en(de) niet meer noch .../ En(de) de vors(creven) wynne sal ten halve(n) tide moege(n) sceide(n) op dat .../ genueght m(er) hi salt den vors(creven) willem een jair te vore(n) k(undigen)?/ En(de) de vorscr(even) wynne sal de vors(creven) lande wynne(n) w(er)v(en) en(de) (mesten)?/ wel en(de) loflic gelijc sine(n) reengenote(n) en(de) die late(n) ten eynde (vanden)?/ vors(creven) t(er)mine gelijc hise vijnt tot sine(n) income(n) dats te wete(n) acht (boender)?/ daer af met wynt(er) core(n) besayt op viertideghe vore(n) en(de) derthie(n) (boender)?/ daer af eens omgedaen en(de) dande(r) lant geheel En(de) alle dese (vorwerden)?/ geloefte(n) en(de) condicie(n) vors(creven) hebben H(er) af sijn borghe(n) des vors(creven) (wynne)?/ als p(ri)ncipale sculde(re)n (et)c(etera) laureyns en(de) willem sijn sone p(ri)us emancipati?/ cor(am) sw(er)tvege(re) tymple juni xviii[a]