It(em) want scope stoete en(de) tep tebat opv(er)staen was en(de) es tussche(n) gheerde geldens en(de) h reyne(re)n van maelcote van (½) boende(r) lan/ weyde(n) [gehyten den houwe] belege(n) te cortel doenb(er)ghe inde p(ro)chie van cortelke (et)c(etera) Soe/ sijn de vors(creven) p(ar)tie(n) comen voe(r) scepen(en) van loven en(de) sijn des bleve(n)/ in segge(re)n en(de) vriendelec iffene(re)n dats te wete(n) de vors(creven) reyner in/ ja(n)ne laureyns en(de) willeme van erenboud(egem) die men heet vand(er)/ couthe(re)n en(de) de g vors(creven) gheert in wout(er)en van sabbeke en(de) henrike/ geldens en(de) hebben geloe met vorwarde(n) dat beyde de vors(creven) p(ar)tie(n)/ elc sijn besceet den segg(er)s ov(er)gheve(n) suele(n) van [tusschen dit en(de)] morge(n) in viii dage(n)/ en(de) dat besceet aengehoert dat dan de segg(er)s hoe(r) segge(n) daer af ute(n)/ suelen bynne(n) xiiii nachte(n) daer nae volghende op dat sijs eens/ werde(n) en(de) soe wae(re) sijs niet eens gewerde(n) en consten dat si dan/ bynne(n) den selve(n) tide ene(n) ov(er)man neme(n) suele(n) en(de) kiesen dien den/ segg(er)s genuege(n) sal en(de) hebb die sijn goetduncke(n) en(de) segge(n) bynne(n) den/ selve(n) tide hier af seggen sal En(de) hebbe(n) geloeft beyde de vorscr(even)/ p(ar)tie(n) vast en(de) gestede te houden soe wes de vors(creven) segg(er)s of die ov(er)man/ hier af segge(n) en(de) t(er)minere(n) suelen op de sake verlore(n) met voilvarde(n)/ soe wae(r) enig(er) p(ar)tie(n) enich segge(re) gebrake dat hi dan ene(n) ande(re)n in die/ stat kiesen en(de) neme(n) sal (et)c(etera) borgh(oven) huffle julii xi