It(em) joffrouwe mechtelt weduwe willems wilen van winczele in/ jegenwordicheiden der scepen(en) van loeven(en) gestaen heeft gegeve(n) ende/ bekent dat hi gegeve(n) heeft ja(n)ne vand(er) hoeg(er)brugge(n) van wackerzele/ tgoet der selv(er) joffrouwe(n) mechtelden belege(n) gehete(n) tgoet te bierde/ belege(n) inde p(ro)chie van haeght met huyse(n) hove(n) wynnende lande/ beemde en(de) eeusele(n) daer toehoe(re)nde gelijc arnt m(er)gart die goede/ gehoude(n) heeft de Te houden te hebben en(de) te wynne(n) van half m(er)te/ naist comende tot ene(n) t(er)mine van acht jae(re)n lanc deen nae dande(r) daer/ nae staphans volghende dats te weten de wynnende lande elx jairs/ hie(re)n bynne(n) op elf mudde rox goit en(de) payabel met wa(n)ne en(de)/ met vedere(n) wail bereit der maten van loeven te sente andries misse/ apostels te betalen en(de) te loeven ocht te veltheem te leve(re)n alle jae(re) den/ vors(creven) t(er)mine duerende en(de) telken t(er)mine als v(er)volghde schout Voert sal/ de vors(creven) wynne jaerlex den vors(creven) t(er)mine duerende gheven der vorsc(reven)/ joffrouwe(n) mechtelden [gheven] vande(n) beemde(n) ende eeuselen totde(n) vors(creven) goeden/ hoe(re)nde sevenentwintich hollansche gulden(en) van goude goit en(de) gheve/ te sente m(er)tens misse inden wynt(er) te betalen alle jae(re) den vorsc(reven) t(er)mine/ duerende en(de) telken t(er)mine als v(er)volghde schout Oec sal de vors(creven) wynne/ jaerlex betale(n) alle den chijns uut den vors(creven) goede [gaende] sond(er) hem dat/ enighe(n) afslach te doen aen den pacht of gelt vors(creven) Ite(m) sal de vors(creven) wynne/ jaerlex int vors(creven) hof leve(re)n dertich mandelen walme(re)n goit en(de) custbair / om die huysinge daer mede te decken en(de) als men die verdect soe sal/ die vorsc(reven) wy(n)ne den decke(r) diene(n) en(de) den montcost gheve(n) en(de) juffr(ouwe)/ mechtelt de dachue(re)n voert sal de vors(creven) wynne die huysinge houde(n)/vand(en) n van plecke(n) vand(er) nederst(er) rykelen nederw(er)t Ite(m) [en] sal de/ vors(creven) wynne bynne(n) den lesten twee jae(re)n vande(n) vors(creven) t(er)mine tvond(er)/ bloc tcoye eeusel en(de) dwinselbloc niet moegen besayen Ite(m) [uutgenome(n)] [mer die vors(creven) wynne sal een dachmael inde(n) berchten hof besayt laten met ...?] Ite(m) Oec/ sal die vors(creven) wynne die trunceyken op de vors(creven) goede staende bynne(n)/ ses jae(re)n eens moege(n) truncken en(de) de haghen vande(n) vors(creven) goeden ten/ lesten jae(re) vande(n) selve(n) t(er)mine wail beheymt en(de) weerechtich laeten/ Oec sal de vors(creven) wynne jaerlex opt vors(creven) goet sette(n) xxxii/ pote(n) en(de) alle verdroeghde boeme sal hi houwe(n) moege(n)/ Ite(m) sal die vors(creven) wynne der vors(creven) joffr(ouwe) mechtelde(n) alle jae(re) den vors(creven)/ t(er)mine duerende st drie vierde met sine(n) waghen en(de) p(er)de diene(n)/ en(de) varen [elcvaert] alsoe v(er)re als men dat op ene(n) dach doen mach Item
//
sal de vors(creven) wynne der vors(creven) joffrouwe mechtelt alle elx jairs hie(re)n bynne(n)/ hebben tvierdel vande(n) oeste dat inde(n) boegart aldaer wassen sal dwelc hoe(r)/ der vors(creven) wynne(n) te loeven(en) leve(re)n sal Ite(m) sal de vors(creven) wynne der vors(creven) joffrouwe(n)/ jaerlex den vors(creven) t(er)mine duerende een verken met den sine(n) houden dwelc/ hem joff(rouwe) mechtelt leve(re)n sal Ite(m) sal de vors(creven) wynne bynne(n) den lesten/ ses jae(re)n elc drie jae(r) daer [af] de lande al ov(er) mesten En(de) die wynne(n) ende/ w(er)ven wel en(de) loflic geln met sine(n) tideghen voren gelijc sine(n) termtgenote(n)/ bove(n) en(de) benende(n) Oec en sal de vors(creven) wynne binne(n) sine(n) lesten drie/ jae(re)n gheen lant moeghen hoervruchten Ite(m) sal de vors(creven) wynne eens/ bynne(n) den vors(creven) t(er)mine int hof leve(re)n tstroe van achthalve(n) dachmaele/ lants [dat hi buyten copen sal] En(de) de vors(creven) wynne sal de vors(creven) lande laten gel ten eynde vande(n)/ vors(creven) t(er)mine gelijc hier nae volght dats te weten een half boend(er) daer af/ besayt met rogge op sijn tideghe voren de storte eens omgedaen en(de) de brake/ geheel En(de) alle dese vorwarde(n) geloeften en(de) condicie(n) vors(creven) hebbe(n) geloeft (et)c(etera) hier/ af sijn borge(n) des vors(creven) jans w ongesundert (et)c(etera) wout(er) de vosheem en(de) everart/ blutse quos indempnabit (et)c(etera) h(enrico) borch(oven) ponte vii[a] ja(nuarii)