Het es come(n) in rechte voir meyer ende scepene(n) van loeve(n) inde banc ald(aer) roelof capellema(n)/ sone jans capellema(n) die ov(er)mids macht ende virtuut van scepene(n) brieve(n) van loeve(n)/ come(n) ende beleydt es tot den goede(n) m(ar)griete(n) weduwe wille(m)s wile(n) buelmans/ heysschende ende versueken(de) datme(n) hem houde(n) woude in sine(n) beleyde van seke(re)n goede(n)/ die hi ald(aer) inde(n) rechte dede lese(n) dair ane jan van molenbeke ende sijn zwag(er)s hem/ ongebruyc dede(n) Dair op de voirs(creven) jan van molenbeke een aensprake dede ende dede inde(n)/ rechte aldair lesen alrehande scepene(n) brieve vander vuere(n) ende dede oic segge(n) hoe/ dat voirmails alrehande hoetvo(n)nisse(n) bide(n) scepene(n) vand(er) vuere(n) aen de scepene(n)/ van loeve(n) voirmail gehaelt ware(n) ende sunderlinge ond(er) dander een [brief] wair dat katline/ paeps moeder der voirs(creven) m(ar)griete(n) deylen woude inde voirs(creven) goede dat zi dan inbringe(n) soude/c hondert zwair guldene(n) meynde dair om de voirs(creven) jan na inhebbe(n) den voirs(creven) hoetvo(n)nisse(n)/ dat hi blive(n) soude inde voirs(creven) goede tot aen dier tijt dat de voirs(creven) c gulde(n) inbracht/ ware(n) met meer redene(n) ende worde() die hi inde(n) rechte aldair tot de(n) voirs(creven) scepene(n)/ brieve(n) vander vuere(n) dede segge(n) Op dwelc hem de voirs(creven) roelof capellema(n)/ met sine(n) voirspreke dede verantw(eer)den dat hem noch sine(n) beleyde de voirs(creven) aensprake/ gheen ontstade doin en soude noch de(n) selve(n) janne scade ende dat bi des(en) redene(n)/ want m(ar)griete tot welx goede hi beleydt was hadde ene(n) wittege(n) oud(er) vader met/ name(n) adaem paeps de welke hadde een wittich wijf met name(n) katline die/ te gade(r) hadde(n) iiii wittige dochte(re)n te wete(n) katline m(ar)griete ode en(de) lijsbeth/dair af die ii aflivich worde(n) Seggende voirt de selve roelof dat de voirs(creven) adaem/ starf voir der voirs(creven) katline(n) sine(n) wive ende dat hi t(er) tijd dat hi leefde dese goede/ besat als sijn proper erve en(de) dair uut staerf als uut sine(n) wittige(n) erve ende/ dat de vors(creven) katline sijn wijf oudermoeder der voirs(creven) m(ar)griete(n) dair in bleef/ sittende alse een tochtersse en(de) dat na dese(n) te wete(n) na des voirs(creven) adaems doet/ twee vande(n) voirs(creven) dochte(re)n te wete(n) eene gehete(n) lijsbeth staerf der voirs(creven) katline(n)/ horer moeder noch levende Ende dander te wete(n) m(ar)griete staerf na doet der/ selv(er) katline(n) horer moeder sonder enich van he(n) beyden wichtige geboerte acht(er)/ he(n) te late(n) Ende dat dit al wair was boet de voirs(creven) roelof capellema(n) te thoene(n)/ ende mette(n) mynste(n) [Noch thoende oic de voirs(creven) roelof dat jan de bot die op de voirs(creven) hondert gulde(n) ghetuycht hadde bastart hadde was en(de) dat oec wille(m) vande(n) elsbroec d(er) voirs(creven) m(ar)griete(n) vader dair op dat si dit thoenisse van des(er) schout dede(n) meer dan ov(er) xvi jair te voere(n) daet was eer si tvoirs(creven) thonisse dede(n)] Dede oic [noch] segge(n) de voirs(creven) rolof dat de vors(creven) m(ar)griete hadde/ ene(n) wittige(n) brueder die bute(n) lants wa(r)e ende da zi recht doinde ziere goede narder/ soude sijn dan yema(n)t anders Ende boet dair voir goede zeke(re) borge(n) te sette(n)/ hoepte dair om dat hem sijn gedeelte inde(n) name vand(er) voirs(creven) m(ar)griete(n) oec volge(n)/ soude Seyde de vors(creven) roelof na de redene(n) voirs(creven) en(de) na thoenisse dat hijs boet
//
dat hem ende zine(n) beleyde de voirs(creven) goede volgen soude(n) ende schuldich wa(r)e te volge(n)/ ende versocht aen den meyer dat hi dair op de scepene(n) mane(n) woude dwelc/ de meyer dede Ende dat gedain wijsden de scepene(n) van loeve(n) dat zi beg(eer)de(n)/ te aenhoe(re)n des vors(creven) roelofs thoenisse en(de) dair in tynde(n) recht dwelc de/ voirs(creven) roelof dede in ald(er) voege(n) ende maniere(n) gelijc hi he(m) v(er)mete(n) hadde/ also dat bi versueke beyde de parthie(n) de meyer van loeve(n) maende de/ scepene(n) van loeve(n) na aensprake na verantw(eer)de(n) en(de) na thonisse en(de) na/ de scepene(n) brieve vande(r) vuere(n) en(de) oic vande(n) scepene(n) van opheem ende/ na al dats voir he(n) come(n) wa(r)e wes een recht sijn soude Also dat de scepen(en)/ van loeve(n) he(n) wail berade(n) sijnde wijsde(n) voir een vonnisse dat de(n) vors(creven)/ roelofe ende sine(n) beleyde volge(n) soude tkints gedeelte der voirs(creven) m(ar)griete(n) in die goede/ also verre alst voe(r) he(n) come(n) wa(r)e cor(am) albus roelant nethene(n) tymple/ mulke bone ouderogge xxviii augusti