It(em) het sijn comen in rechte voir den meyer en(de) scepene(n) van loeve(n) jan ende reyne(r)/ vande(n) steene gehete(n) van assche gebruede(ren) in deen side en(de) jan [claren] die me(n) heet de/ molde(r) in dand(er) side dair de voirs(creven) jan cleren een aensprake dede tot de(n) voirs(creven) ge/ bruede(re)n die beley guedinge ontfaen hebbe(n) voir meyer en(de) scepene(n) van loeve(n) va(n)/ zege(re)n van boendale van alle den goede(n) jans wile(n) vande(n) steene dieme(n) hiet/ van assche hoirs oems en(de) laurete(n) sijns wijfs so wair die gelege(n) sijn Seggende/ dat si mett(en) voirs(creven) horer guedinge(n) verdoelt ware(n) ende aen twee wuwere(n)/ met hore(n) toebehoirte(n) gelege(n) inde prochie van assche t(er) stat gehete(n) aschbeke/ ocht pissote [d(aer) af den meeste(n) leeght] tussche(n) de goede jan bugge(n)houts en(de) de(n) wech die gaet neve(n) tvelt gehete(n)/[big(ar)de(n) en(de) sheilichs geest lant va(n) assche in deen side en(de) de(n) wech die gaet neve(n) wille(m) sraets en(de) wout(er)s van beersele aen dand(er) side] den verduyn en(de) de(n) minste(n) wuwe(re) leecht t(er) voirs(creven) stat tussche(n) de goide(n) des cloest(er)s va(n)/ Ende dats bi deser redene(n) want hi dair af hofguedinge af hadde voir hof ende he(re)/ dairmen de voirs(creven) goede af houdende es des lede(n) wa(r)e iii jair ende meer ende dat/ dat wa(r)e wair dat boet de voirs(creven) jan clere(n) te thoene(n) ende met de(n) minste(n) dair/ mede hi lide(n) mochte inde(n) rechte Seggende voert [de selve jan clere(n)] dat een ja(m)merlic dinc wa(r)e dat hi/ in sijnre hofguedinge(n) aldus bedroge(n) soude sijn mids aldusdanige(n) swigende guedinge(n)/ van beleyde (et)c(etera) Op dwelc hen de voirs(creven) gebruede(re)n verantw(or)den en(de) seyden/ dat hen die aensprake ne(m)mermeer ontstade doin en soude aen hoe(r) guedinge vors(creven)/ ende dat hi des(er) redene(n) want de voirs(creven) jan clere(n) niet en noemde noch en/ seyde van wyen hi de voirs(creven) guedinge ontfaen hadde oec so wair hoe(r) voirs(creven)/guedinge die si voir meyer en(de) scepene(n) van loeve(n) dbeleydt dair uyt si/ hoe(r) voirs(creven) guedinge voir meyer en(de) scepene(n) van loeve(n) vande(n) voirs(creven) goede() ont/ faen hadde(n) vele ouder dan des voirs(creven) jan clerens hofguedinge en(de) dat dat/ wair wa(r)e des getroesten si he(n) wail tot den brieve(n) die dair af wa(re)n/ Seggende voert de selve gebrued(er)s dat si mids den redene(n) voirs(creven) in hoe(r)/ voirs(creven) guedinge van hore(n) voirs(creven) scepene(n) brieve(n) van loeve(n) blive(n) soude(n)
//
ende sculdich war(en) te blive(n) Seyde noch voert de selve gebrued(er)s om meer cleernisse(n) wil/ doin si vername(n) dat de voirs(creven) jan cleren op wege was de voirs(creven) wuwe(re)n te copen/ dat si doin hem dede(n) seggen ende met brieve(n) scrive(n) dat hi wail toesage wat/ hi cochte want hi dair mede niet wail stain en soude ende haddi dair ain op die/ tijd enich gelt gegeve(n) si woude(n) he(m) dat wed(er) doin hebbe(n) Op dwelc na/ aensprake ende na tverantw(or)den de meyer de scepene(n) van loeve(n) maende en(de)/ si he(m) dair op beradende wijsden voir een vonnisse met volle(n) gevolge dat/ alsulke(n) aensprake als jan cleren gedain hadde tot de(n) voirs(creven) gebruede(re)n den/ selve(n) gebruede(re)n geen ontstade doin en soude en(de) dat si blive(n) soude(n) in/ hoe(r) guedinge van ho(r)en scepene(n) brieve(n) van loeve(n) Hier bi ware(n) borchove(n)/ rike pynnoc oppendorp haenwijc hertshals lynden maii xiii