It(em) cont si alle(n) lude(n) dat jan van duysborch in jegenword(icheiden) d(er) scepene(n) van loeve(n) gestaen/ heeft gegeve(n) ende bekindt dat hi geg(even) heeft ja(n)ne noyens van vorsschote de/ goede des voirs(creven) jans gelege(n) te frindeys inde p(ro)chie van holaer in huse(n) in hove(n) in wy(n)nende/ lande in beemde(n) in eusele(n) met ene(n) elsbosche gelege(n) acht(er) de porte aen de heyde aldair/ en(de) oic met der weyde(n) vande(n) bossche aldair sonder enich recht in dand(er) [bossche en(de)] opgaende hout/ aldair te hebbe(n) behoudelic dien dat de voirs(creven) jan van duysborch behoude(n) sal tot/ sine(n) gebruyke en(de) de came(r) staende aen die achterste porte met beyde de porte(n) aldair/ Te houde(n) te hebbe(n) en(de) de wynne(n) van ingange meye nu naist come(n)de tot ene(n)/ t(er)mijn van xii jare(n) lanc dair na sonder middel volgende dats te wete(n) de vors(creven) wy(n)ne(n)de/ lande op de helicht vande(n) corne ende vruchte(n) dat dair jairlix op wasse(n) sal [uutgescheide(n) vande(n) vlasse dair in en sal de vors(creven) ja(n) m(air) terdel hebbe(n)] en(de)/ toeghst als dat core(n) inde(n) bant sal sijn dan sal de voirs(creven) jan van duysborch daer/ bi come(n) ocht ene(n) knecht bi sij synde(n) en(de) dan ov(er) ander hoep sijn helicht kiese(n)/ en(de) die gecore(n) sal de voirs(creven) wyne des voirs(creven) jans helicht voe(r) inde schue(r) aldair/ vuere(n) Ende als de voirs(creven) jan sijn helicht aldair doet derssche(n) so sal de voirs(creven)/ wyn des voirs(creven) jans dersscher vuede(n) en(de) d(aer) voe(r) sal hi hebbe(n) vande(n) selve(n) ja(n)ne/ tnegenthienste vat Ite(m) sal de vors(creven) wyn jairlix vand(er) weyde(n) alda ende beemde(n) ald(aer)/ geve(n) de voirs(creven) ja(n)ne xx holl(ansch) gulde(n) van goude goet en(de) gheve te wete(n) ii crone(n)/ d(er) mu(n)te(n) sconinx van francrijs voir iii der vors(creven) gulde(n) gereke(n)t te f half te/ s(in)te jansmisse baptiste(n) en(de) dander helicht te sinte kersmisse te betale(n) alle jare de/ voirs(creven) t(er)mijne dueren(de) en(de) telk(en) t(er)mijne alse vervolchde schout Noch es vorw(er)de/ dat de vors(creven) wyn des de voirs(creven) jans helicht te te loeve(n) lev(er)en It(em) sal de voirs(creven)/ wyn de lande aldair de(n) vors(creven) t(er)mijn duere(n)de wel en(de) loflic bevrede(n) en(de) beslute(n)/ also de(n) dat den vors(creven) ja(n)ne dair af gheen schade en geschie Ende de selve wyn/ sal de vors(creven) lande wynne(n) en(de) w(er)ve(n) wel en(de) loflic gelijc sine(n) reengenote(n)/ bove(n) en(de) benede(n) en(de) ten ynde vande(n) selve(n) t(er)mijne sal hijt bezait late(n) gelijc/ hierna volcht te wete(n) de wint(er) laghe met rogge besayt op iiii tideghe/ vore(n) de zom(er)lage te wete(n) de g(er)ste op iii vore(n) ende devene op ii vore(n) ende/ de brake eens omgedain Oic sal de vors(creven) wyn den voirs(creven) janne jairlix
//
houde(n) en(de) vuede(n) ii verke(n) en(de) i rint winte(re)n en(de) zom(er)en dewelc he(m) de vors(creven) jan/ lev(er)en sal Noch sal de vors(creven) jan wyn de(n) vors(creven) ja(n)ne jairlix te paessche(n) lev(er)en een lam En(de)/ de selve wyn sal de(n) vors(creven) ja(n)ne jairlix iii voeder houts te loeve(n) bringe(n) En(de) de vors(creven) wyn/ sal jairlix vande(n) vors(creven) lande ii boende(r) m(er)gele(n) dair toe he(m) de voirs(creven) jan van elke(n)/ boende(r) gheve(n) sal twee hollansche gulde(n) It(em) sal de voirs(creven) wyn jairlix op de husinge(n)/ aldair vijf daghe op sine(n) cost doin deke decken en(de) de selve huysinge vanden platen/ opw(er)t van wande houde(n) Ende alle doeft dat dair wasse(n) sal suele(n) si half en(de) half deile(n)/ ende hebbe(n) dwelc de wyne t(er) erde(n) lev(er)en sal en(de) dan des vors(creven) jans helicht te/ loeve(n) lev(er)en Ende de vors(creven) jan sal jairlix de(n) vors(creven) wynne geve(n) iiii elle(n) [wollens] lake(n)s/ tot ene(n) rocke en(de) allet stronchout ald(aer) staende sal de vors(creven) wyn te behorlike(n) tide/ moghe(n) stroncke(n) om tgoet d(aer) met te bevrede(n) ende te beheyme(n) en(de) sijn berninge/ dair af te neme(n) en(de) de vors(creven) wyn sal jairlix op de vors(creven) goede sette(n) l poten/ Ende allet stroe en(de) goet dat vande(n) vors(creven) goede come(n) sal dat sal de vors(creven) wyn/ int vors(creven) goet bringe(n) en(de) mest dair af make(n) [en(de)] dat wed(er) vuere(n) opt vors(creven) lant/ slants meeste(n) p(ro)ffite en(de) n(er)gent elde(r) Oic en sal de vors(creven) wynne bynne(n) de(n) vors(creven)/ t(er)mijne ghene(n) bute(n) lant moge(n) neme(n) noch wynne(n) Ende gevielt also dat de/ vors(creven) jan enich nuwert aldair dede make(n) dair af sal de vors(creven) jan de(n) werc/ lude(n) de dachuere(n) betale(n) en(de) de vors(creven) wyn de(n) cost Ende alle dese vorw(er)d(en) (et)c(etera)/ albus tymple ja(nuari) xxiiii