It(em) want stoot en(de) tebat opverstain was tussche(n) janne vande(n) rode van w(er)de in deen/ zide ende lambrecht van schore va(n) w(er)de in dand(er) van alrehande souwe(n) en(de) sake(n)/ die deen den ande(re)n opden dach va(n) hude(n) eysschende sijn So sijn de vors(creven)/ p(ar)thien come(n) (etcetera) en(de) hebben he(m) hier af verbonde(n) (etcetera) te wete(n) de [vors(creven)] jan/ in geerde va(n) haenwijc en(de) in gorde van loeve(n) ende de vors(creven) lambrecht/ in ja(n)ne keyenoge wone(n)de inde proefstrate en(de) in cornelise lambrechts op also/ dat de vors(creven) lambrecht sine(n) heysch den segge(re)n des voirs(creven) jans ov(er)geve(n)/ sal in gescrifte tussche(n) dit ende vrydach nu naist come(n)de dair op sal/ de vors(creven) jan sijn verantw(or)de(n) make(n) en(de) dien ov(er)geve(n)n in gescrifte de(n) segge(re)n/ des vors(creven) lambrechts tussche(n) dat en(de) maendaich d(air) nae naist volgende/ Op also ware(n)s de segge(re)n eens dat si dan hoir segge(n) d(air) af segge(n) sulle(n)/ bynne(n) viii dage(n) d(air) na volgen(de) en(de) f op dat sijs eens sijn en(de) en sijn/ sijs niet eens dat si bynne(n) de(n) selve(n) tide da(n) dat bringe(n) sulle(n) voe(r)/ scepene(n) va(n) loeve(n) en(de) hale(n) des een vonnisse (et)c(etera) op also dat elc/ p(ar)thie eene(n) ande(re)n segge(re) op dat he(n) enege(n) gebrecke kiese(n) mach/ cor(am) mulke bone april(is) ix