It(em) es voirw(er)de als van dese(n) brieve van xvi g(ri)pe(n) dat die ond(er) de(n) clerc/ sal blive(n) liggende te des(er) meyne(n) gevielt dat de voirs(creven) b(ar)tholme[(us)]/ a(n)ne(n) wolbrechts jairlix niet en betaelde alsulke(n) vier g(ri)pe(n) als hi hoe(r)/ tot de(n) voirs(creven) t(er)mine(n) sculdich es en(de) d(aer) de voirs(creven) pet(er) voir borghe es/ dat da(n) de selve pet(er) dese(n) brief van xvi g(ri)pe(n) hebbe(n) sal om he(m)/ te losse(n) also v(er)re alst dan gevalle(n) sal sijn en(de) hi voir de(n) voirs(creven)/ b(ar)tholomeus betale(n) soude moete(n) aen de(n) voirs(creven) a(n)en(n) ocht aen de ghene/ die des briefs van hore(n) wege(n) mechtich soude sijn en(de) t(er) stont als de/ voirs(creven) b(ar)tholome[(us)] der voirs(creven) a(n)ne(n) betaelt sal hebbe(n) dat hi da(n)/ dese(n) brief wed(er) sal gheve(n) en(de) te nieute [doen] gheve(n) sond(er) argelist