Cont si allen luden dat bouden laureyns arnt jans sone in tye jegenwordicheide(n)/ der scepen(en) van loeven gestaen heeft gegheven en(de) bekent dat hi gegheven/ heeft jonas van tegelen die sijn dochter heeft [thof] de goeden of hoeve des voersede/ boudens geleghen inde p(ar)rochie van beerse metten husen hoeven winne(n)de/ lande beemden heyden en(de) metter weyden daer toe hoe(re)nde gelijc dat thof/ inde voers(creven) prochie va(n) beerse geleghen is uytgesceyden thof d dwoenhuys/ daer de voers(creven) bouden nu in woent dbachhuys en(de) sine(n) coelhof die de voers(creven)/ bouden tsine(n) p(ro)fijt houden sal te houden te hebbe(n) en(de) te winne(n) van onser/ liever vrouwe(n) lichtmisse [naestcome(n)de] lest leden tot ene(n) t(er)mine van twelf jaren lanc/ deen na dande(r)r staphans sonder enich middelt volghende elx jaers hieren/ binne(n) om achte sester rogs goet en(de) payabel der maten van tuernout/ en(de) om vijftien licht mottoen tot onser vrouwe(n) lichtmisse te betale(n) alle/ jaer den voers(creven) t(er)mijn duere(n)de en(de) telken t(er)mijn als vervolghde scout
//
voert es vorwarde dat de voers(creven) jonas den voers(creven) bouden twee coye de hem de/ selve bouden leve(re)n sal gelijc den sine(n) winte(re)n en(de) some(re)n sal en(de) des ghelijcs/ oec twe verken(en) met des selfs jonas verken late(n) gaen beyde winte(r) en(de) s[z]ome(r)/ met de voers(creven) bouden sal de verken alst hem ghelieft selve doen mesten/ noch sal de voers(creven) jonas jaerlix den voers(creven) bouden op tvoe vijftich scaepe/ houden de hem selve bouden oec leve(re)n sal voert es noch gevorwaert/ en(de) ond(er)sproken dat de voerghenoemde bouden jonas den voers(creven) bouden jaerlix/ den voers(creven) t(er)mijn duere(n)nde seyen sal twe loepen lijnsaeds daer hem de/ voers(creven) boude(n) den saet toe leve(re)n sal en(de) de selve bouden sal dat dflas tvals/

tva tvlas daer af alleen behoude(n) en(de) de lampen die de voers(creven) bouden inder/ kerke(n) van beerse sculdich es te houden sal de voers(creven) jonas den voers(creven) t(er)mijn/ duere(n)de houden It(em) es noch vorw(er)de dat de voers(creven) jonas de(n) voers(creven) bouden/ sine(n) torf in redelicheyde(n) anleyde(n) sal in voeghen dat de selve bouden dien/ torf sal doen slaen en(de) bereet maken It(em) es oec gevorwart dat de/ voers(creven) jonas de husinghe die hi hebbe(n) sal versette(n) en(de) nae sine(n) wille sal/ doen maken en(de) reeken op dat hi de niet vande(n) goede(n) doen en sal oec/ sal de voers(creven) jonas op tvoers(creven) goet den voers(creven) t(er)mijn duere(n)de sal moghen/ houwen en(de) neme(n) om op de goede te v(er)ty(m)me(re)n alsoe veel houts als hem/ in [redelichheyden] redeliken dinghen bi behoeve(n) sal [en(de) al ee] met vorwarde(n) al eest alsoe dat de/ voers(creven) t(er)mijn yerst ingaen sal tot onse(r) vrouwe(n) lichtmisse naest come(n)de/ soe is nochta(n) vorw(er)de dat de voers(creven) jonas sijn hande an de voers(creven) goede slaen/ sal beyde a[e]n huysinghe aen landen an beemde(n) aen heyden en(de) aen weyden/ uytghsceyde(n) a[e]n de vruchte vande(n) coeren van desen toecome(n)de jaer Ite(m) es/ noch ond(er)sproke(n) dat de voers(creven) jonas bo des voers(creven) boudens beeste(n) d boe bove(n)/ de twe coye en(de) verke(n) voers(creven) op de voers(creven) goede houde(n) sal tot aen diere tijt/ dat de selve boude(n) de met gevoeghe v(er)cope(n) sal [conne(n)] It(em) sal de voers(creven) jonas/ den voers(creven) boude(n) jaerlix tstroe leve(re)n sal om sijn huse [die hi behoude(n) sal] mede te decken It(em)/ es oec vorw(er)de dat de voers(creven) jonas den sijns die voertaen [valle(n) sal] uyt den voers(creven)/ goede(n) gaende sal [jaerlex betalen sal] en(de) es noch ond(er)sproeke(n) dat de voers(creven) jonas den voers(creven) boude(n)/ dese voers(creven) vorw(er)den vande(n) eene(n) jaer totte(n) and(er)en de(n) voers(creven) t(er)mijn duere(n)de/ voer ma(n)nen van beerse wael en(de) loffelic [oec] verborghe(n) sal en(de) alle dese vorw(er)den/ gheloefte(n) en(de) [con](con)dicie(n) bove(n)ges(chreven) hebbe(n) geloeft de voers(creven) boude(n) en(de) jonas deen/ den and(er)en te houde(n) en(de) te doen tallen tide(n) als si valle(n) en(de) v(er)scine(n) sullen en(de)/ telken t(er)mine als v(er)volghde scout cor(am) lynden ponte se sabbato die/ post dies pasche d(omi)ni
//