It(em) pet(er) coenraet in jegh(enwordicheit) der scepen(en) van loeve(n) gest(aen) heeft geg(even) ende bekent dat/ hi geg(even) heeft jan(n)e alite(n) i(½) dachmale lants luttel min ocht meer gelege(n) inde/ p(ro)chie van leefdale Te houde(n) ende te wynne(n) eene(n) t(er)mijn van xii jare(n) lanc/ duerende deen na dand(er) staph(ans) sond(er) middel volgen(de) elx jairs hieren bynne(n)/ op (½) mudde rogx goit ende paiabel d(er) mate(n) van loeve(n) te s(in)te andriesmisse/ apostels te bet(alen) en(de) bynne(n) loeve(n) te leve(re)n alle jae(re) de(n) vors(creven) t(er)mijn duer(ende)/ en(de) telke(n) t(er)mijne alse vervolghde schout met It(em) es vorw(er)de dat de/ vors(creven) jan tvors(creven) lant bynnen(n) de(n) vors(creven) t(er)mijne tweew(er)ve(n) ov(er)meste(n) sal/ wail en(de) loeflic It(em) sal de vors(creven) jan de tvoirs(creven) lant wail en(de) loeflic / w(er)ve(n) en(de) wy(n)ne(n) ende dat late(n) met rogge besayt wail en(de) loeflic op/ sijn iiii tidige vore(n) gelijc sinen(n) reengenote(n) bove(n) en(de) benede(n) en(de) gelijc hi/ dat nu vint tot sine(n) income(n) ende w(er)t [also] dat enich van he(n) beyde(n)/ van malcande(re)n scheide(n) woude(n) te halve(n) tide vande(n) voirs(creven) t(er)mijne dat/ si dat doin mochte(n) op dat dat deen den ande(re)n jair te vore(n) laet wete(n)/ Ende hier af is borge des vors(creven) jans ta(m)q(uam) debit(or) p(ri)n(cipa)[l(is)] ind(ivisim) wout(er) vande(n) eyken lyne(n)weve(re) que(m) d(i)c(t)us joh(annes) indempnabit borch(oven) lynde(n) eod(em).