Cont sy allen lieden want stoot en(de) geschille op gestaen was tusschen tiel/ ma(n)ne tyelens in deen zide en(de) janne den vos becke(r) in dande(r) als van alsulken/ putte en(de) plaetsen daer de selve putte op steet gelegen inde grymstrate acht(er)/ thuys gehete(n) de borse toebehoe(re)nde den voirs(creven) tielma(n)ne om welke(n) stote tus/ schen de voirs(creven) partien te slytenne en(de) af te leggen de selve optie hen ver/ bonden en(de) geco(m)p(ro)mitteert hadden inder stat geswore(n) meest(er)s en(de) wercliede/ gelijc tco(m)promisse daer af begrijpt en(de) volcomelic inhoudt daer o(m)me eest/ dat hen de voirs(creven) meest(er)s [hen] hier op beraden hebb en(de) elker p(ar)tien bescheyt en(de) brie/ ve vande(n) voirs(creven) putte en(de) plaetske(n) tierst ov(er)ziende en(de) visente(re)nde hebbe(n)/ geseeght voer hoer seggen en(de) goetdoncke(n) op hore(n) eet dat de voirs(creven) p(ar)tien/ den voirs(creven) putte en(de) tplaetske(n) daer de selve putte op steet voert aene tot/ euwige(n) daghen hebben houden en(de) gebruyken suelen in alle der vuegen/ vormen en(de) maniere(n) gelijc de scepen brieve van loeve(n) die [de] p(ar)tien in beyden ziden daer sprekende vande(n) daet dusent vierhond(er)t en(de) seventhien drie/ dage in de maent van oegst die beyde p(ar)tien daer af hebbe(n) volcomelijc/ begripen en(de) in houden sonder argelist cor(am) bi absoloen ponte april(is) vii[a]/