Het is comen inde banc voer meye(r) en(de) scepen(en) van loeven opden dach van huden/ jan gielis van barlair die ov(er)mids macht en(de) virtuyt van scepene(n) brieve(n) van/ loeven comen en beleydt is totden goeden beruerlic en(de) onberuerlike [coels] claes van/ pod(er)le van morchoven in deen sijde en(de) jan peters vand(er) vecken in dande(r) daer/ de selve jan peters een aenspraec dede tot den voers(creven) jan gielis seggende dat/ de voers(creven) jan gielis verdoelt wae(re) metden voers(creven) sinen beleyde aen alrehande/ goeden geleghen te morchove(n) en(de) te noerd(er)wijc gelijc lijsbet vrients die goede/ v(er)cocht hadde en tot eene(n) erfpacht uutgegeve(n) den voers(creven) coele en(de) dat waer/ bi desen redene(n) want jan peters voers(creven) wittige neve wae(re) der voers(creven) lijsbette(n)/ en(de) naerder van leeden dan de voers(creven) coel en(de) dat boet hi te thonen sede/ oec voert de voers(creven) jan pet(er)s al waert alsoe dat de voers(creven) jan gielis seggen/ woude dat erve om erve gegeve(n) wae(re) en(de) dat de selve jan daer om gheen/ naerd(er)scap hebben en soude dat hem dat gheen onstade doen en sal mer hi/ soude sijn naerd(er)scap hebbe(n) als voers(creven) en es want de voers(creven) coel van dien/ goeden voerlijf gegeve(n) hadde en(de) dat in deser manieren want doen de/ selve coel die voers(creven) goede vercreech gelijc voergescr(even) steet doen seyde de / selve coel uut aenbrengen der voers(creven) lijsbetten siet lijsbet eest dat ghi/ enigenhen cost doen moedt om dese goede metden rechte te vervolghen en(de) te/ verdeedinghen dien cost sal ic voer u verleggen en(de) want dit voerlijf/ wesen soude en(de) alle goet naerd(er)scap heeft daerme(n) voerlijf af gheeft soe eyscht/ en(de) versuect de voers(creven) jan pet(er)s dat de meye(r) van loeven den voers(creven) janne/ gielis sijn hande doe doen vanden goeden voerscr(even) en(de) hem die en(de) sijnre/ naerd(er)scap d laet en(de) doe volghen en(de) des getroest hem de voers(creven) jan peters/ wael svonnis op dwelc de selve jan gielis hem v(er)antw(er)t heeft seggende/ dat hem noch sinen beleyde de voers(creven) aenspraec aen de voers(creven) goede gheen/ onstade doen en sal en(de) dat bi deser reden(en) inden iersten seeght de/ voers(creven) jan gielis dat de voers(creven) calangie de die voers(creven) jan pet(er)s op de voers(creven)/ goede gedaen heeft lang nae tvoers(creven) beleydt geschiet es mids den welken/ die hem ghene onstade doen en sal en(de) dat die geschiet was dat boedt/ de voers(creven) jan gielis te thonen en(de) metden minsten voert seede de voers(creven)
//
jan gielis dat wael waer mach sijn doen hi de voers(creven) goede jegen der voers(creven)/ lijsbetten vercreegh en(de) nam teenen erfpacht dat hi wael geloeft dat hi doen/ der voers(creven) lijsbetten toeseede eest lijsbet dat ghi enigen cost doen moet in enigen/ gedinge om uwer voers(creven) goede wil dien cost sal ic voer u betalen mer dit en/ was gheen voerlijf noch and(er)s soe en gaf hi nye voerlijf vanden goeden voers(creven)/ yesch daerom en(de) versocht die voers(creven) jan gielis aen den voers(creven) meye(r) van loeven/ dat hij den voers(creven) janne(n) pet(er)s dese des woude doen af laten want hi dat sculdich/ wae(re) te doen en(de) begheerde des een vo(n)nisse alsoe dat de scepen(en) van loeven/ bi menisse des meyers nae aenspraec en(de) nae v(er)antw(er)den voers(creven) wijsden voir/ een vonnis dat alsulken aenspraec als jan pet(er)s gedaen hadde janne(n) gielis/ gheen onstade doen en soude mer dat de goede janne(n) gielis en(de) sinen beleyde/ volghen soude cor(am) pynnoc absoloen lombart capelleman ponte anno xiiii[c]/ xix[no] me(n)sis maii die vicesimatertia/