Cond sij allen lieden want stoet en(de) geschille opv(er)staen was tusschen/ woute(re)n vande(n) steenweghe in deen side en(de) colen vande(n) steenweghe/ sijne(n) brued(er) in dande(r) van alsulk(er) huwelik(er) vorw(er)den als de voirs(creven)/ coel den voirs(creven) woute(re)n sine(n) brued(er) met aliten sine(n) wive in huwelike/ geloeft hadde daer af si hen beyde verbonde(n) en(de) gecomp(ro)mitteert hebbe(n)/ in segge(re)n te wete(n) de voirs(creven) wout(er) in goerde wevel en(de) woute(re)n den/ bruede(r) en(de) de voirs(creven) coel in janne gruwel en(de) joese van berem op/ alsulke(n) voeghe en(de) maniere gelijc tcompromisse d(aer) af gemaect volcomelijc/ begrijpt en(de) inhoudt daer om de voirs(creven) segge(re)n comen sijn voe(r) scepen(en)/ van loeve(n) tyerst beyde d(er) voirs(creven) p(ar)tien bescheyt claerlic ond(er)vonden/ en(de) aengehoert en(de) hebbe(n) hae(re) segge(n) geseeght en(de) eendrechtichlic/uutgegeve(n) ind(er) manie(re)n [geuutent also] h(ier) na volghende [is] inden yersten dat de voirs(creven) wout(er)/ alsulke(n) leengoede alsmen houdende es van joffr(ouwe) kath(l)ine(n) docht(er) h(er) wout(er)s/ wilen van q[(u)a]derebbe ridders en(de) de voirs(creven) [selve] wouter vand(er) voirs(creven) joffr(ouwe) kath(l)ine(n)/ ontfaen heeft gelege(n) inde prochie van erpse dat de voirs(creven) wouter/ erflec dat behouden sal voe(r) achten(de)twintich molevate rogs d(er)/ mate(n) van loeve(n) erflex pachts en(de) dat de voirs(creven) coel de(n) voirs(creven)/ woute(re)n noch t(er) stont ov(er)geve(n) en(de) bewisen sal derdalf dachmael/ lants luttel min ocht meer gelege(n) inde prochie van erpse [nossegheem] inde/ gulden deelle tussche(n) de goede tcloest(er)s van cortenb(er)ghe en(de) de goede/ colijns van beeringhe(n) voe(r) achtien molevate corens d(er) mate(n) voirs(creven)/ oec erflex pachts noch sal de voirs(creven) coele den voirs(creven) woute(re)n sine(n)/ bruede(r) staphans bewisen op goeden seke(re)n pant [gelege(n) inde voirs(creven) prochie va(n) erpse] een sist(er) rogs/ love(n)sch(er) mate(n) erflex pachts welc sester rogs de voirs(creven) coel/ quiten en(de) aflegghen mach van nu sente adries misse naest/ comende en(de) [by(n)nen] iii jae(re)n d(aer) na sond(er) myddel volgende met sesse/ gul(den) crone(n) d(er) mu(n)te(n) skoninx van vrancr(ijc) goede en(de) gheve/ en(de) met volle(n) pachte oec hebbe(n) noch geseeght de voirs(creven) seg/ ghe(re)n voe(r) hae(r) segge(n) dat de voirs(creven) coel den voirs(creven) woute(re)n/ sine(n) brued(er) noch staphans ov(er)geve(n) en(de) bewisen sal de goede/ hier na bescreve(n) inde voirs(creven) p(ro)chie van erpse gelege(n) inde(n)/ yersten and(er)half dachmael lants gelege(n) inde gulden delle
//
tussche(n) de goede tcloesters vand(er) cameren en(de) de goede vranx va(n) wijchmael/ Ite(m) een half boend(er) lants gelege(n) op hoghelinc tussche(n) de goede walrave(n)s/ wile(n) vande(n) b(er)ghe en(de) de goede wydekens de coninc met alsulk(er) vorw(er)den/ dat de voirs(creven) coel dese voirs(creven) leste twe stucke(n) lants wed(er) ov(er) hebbe(n) sal te/ wynne(n) vande(n) voirs(creven) woute(re)n sine(n) brued(er) also langhe als kath(l)ine moeder/ der voirs(creven) gebrued(er)s leven sal en(de) drie jaer [lanc] eenpaerlicke(n) na d(er) selv(er) kath(l)ine(n)/ doet sond(er) myddel volgende elx jaers hie(re)n bynnen also langhe als de voirs(creven)/ kath(l)ine [de] moed(er) leven sal op vi molevate rogs d(er) mate(n) voirs(creven) en(de) de drie/ jae(re) lanck na der selv(er) kath(l)ine(n) d(er) moed(er) doet op xxx molevate rogs der/ beyde goet en(de) payabel d(er) maten van loeven ts(ente) andries misse apostels te/ betalen en(de) bynne(n) d(er) prochien van erpse d(aer) de voirs(creven) wout(er) wonen sal/ te leve(re)n elx jaers gelijc voirs(creven) steet alse v(er)volghde schout voert hebbe(n)/ geseeght de voirs(creven) segghe(re)n dat de voirs(creven) coel den voirs(creven) woute(re)n ter/stont va vast setten sal van xx gulden crone(n) d(er) mu(n)ten skoninx va(n)/ vrancr(ijc) goede en(de) gheve [te] betalen bynne(n) de(n) yerste(n) jaer na dat de voirs(creven)/ kath(l)ine hae(re) moed(er) van live t(er) doet comen sal sijn en(de) hier mede/ sal de voirs(creven) wout(er) afgescheide(n) en(de) gedeylt sijn van alle de(n) goede(n)/ beyde have en(de) erve die bleve(n) sijn na doet jans wilen vande(n) steenwe/ ghe haers vad(er)s en(de) blive(n) sele(n) na doet d(er) voirs(creven) kath(l)ine(n) haerre moed(er)/ en(de) d(aer) op sal de voirs(creven) wout(er) vertyen en(de) dit v(er)tyenisse sal [selen] de voirs(creven)/ wout(er) op deen side en(de) de voirs(creven) bewisenisse ov(er)hevinghe en(de) vast/ settinghe voirs(creven) de voirs(creven) coel in dand(er) side deen den ande(re)n doen/ en(de) doen volschien gelijc als dat behoert na den rechte tussche(n) dit/ en(de) tsinxte(n) naest comende alle(n) argelist hier in uutgescheide(n)/ ouder(ogghe) bone m(ar)tii xxi/

Memo(r)ia vanden iii(½) mudde core(n)s vande(n) pachte van dese(n) jaer/ en(de) vanden vrucht van iii vierdel lants vanden leen
//