Het sijn comen inden banck voe(r) meye(r) en(de) scepen(en) van loeven h(er) pet/ meest(er) peter voet alse wittige man en(de) momboe(r) mathilden sijns wijfs/ dochter jacobs wilen van hellegate in deen side en(de) h(ere)n janne en(de) meester/ henrike van hellegate priesters en(de) jacob van hellegate alle drie ghe/ bruede(re)n der voirs(creven) machtelde(n) in dande(r) daer de voirs(creven) meest(er) peter/ voet een aensprake dede tot de(n) voirs(creven) gebruede(re)n sine(n) swaghe(re)n segge(n)de/ dat voirmaels een vorw(er)de en(de) segge(n) geschiet en(de) gemaect wae(re) tussche(n) hem/

en(de) de(n) voirs(creven) gebruede(re) den voirs(creven) gebruede(re)n en(de) danelen wilen vander/ ryvie(re)n hae(re)n swag(er) alse dat alle de goede beyde have en(de) erve die bleve/ wae(re)n na der doet kath(l)ine(n) wilen wijf des voirs(creven) daneels vand(er) ryvie(re)n/ en(de) zuster d(er) voirs(creven) gebrued(er)s na de doet de selfs daneels den bi gaen/ en(de) blive(n) soude(n) tot den ghene(n) daerse van rechts wege(n) sculdech wae(re)n/ te blive(n) En(de) seyde voert de voirs(creven) meest(er) peter voet dat dese vorw(er)de en(de)/ segge(n) aldus gheschiet wae(re) dat boet hi te thoene(n) en(de) mette(n) minste(n)/ mids de(n) welken hi voert seyde dat hem en(de) dern voirs(creven) mechtelden sine(n)/ wive alsulke beleydt brieve als de selve gebrueders oft e(n)nich van hen/ hebbe(n) moghen op de goede des voirs(creven) daneels aen tgedeelte vanden/ goeden des voirs(creven) sijns wijfs vande(n) goede(n) d(er) voirs(creven) wilen kath(l)inen/ hem en gheen ontstade doen en soude en(de) des getroeste hi hem des
//
wael tot de(n) vonnisse vande(n) scepen(en) Op dwelc hen de voirs(creven) gebrued(er)s/ verantw(er)den en(de) seyden dat si hoepten dat si den voirs(creven) meest(er) pete(re)n hae(re)n/ swag(er) nye geluften en deden die hen aent voirs(creven) hae(re)n beleyt [ontstade] doen mochte/ noch dat si hem nye geluft en(de) deden en(de) dat hi des nu(m)mermeer gethoenen en/ soude come(n) mer thoende hijt so moesten si d(aer) af wel liden dat si sculdech/ wae(re)n te liden also dat de voirs(creven) meest(er) pet(er) tsinen thoe(n)nisse gewijst w(er)t/ daer hi dach toe nam en(de) de(n) dach comende bracht hi iiii goede knapen te/ wete(n) de(n) voirs(creven) danele(n) vand(er) ryvie(re)n woute(re)n van boesschot reyne(re)n daneels/ vand(er) ryvie(re)n en(de) janne van arscot die ten heylige(n) verhoert worden en(de)/ droege(n) op hae(re)n eet dat si voermaels daer bi en(de) aen geweest hadden d(aer)/ tussche(n) de voirs(creven) drie gebrued(er)s en(de) de(n) r voirs(creven) danele(n) hae(re)n swagher/ verdedingc w(er)t alse vand(er) haven die de voirs(creven) daneel en(de) de voirs(creven) wilen/ kath(l)ine sijn wijf te gade(r) besaten dat die na doet des selfs daneels gaen/ soude d(aer) si sculdech wae(re) te gaen en(de) alse vande(n) v(er)crege(n) erfgoeden w(er)t/ verdedingc dat die na doet des selfs daneels gaen souden half en(de) half/ tot beyden siden op dwelc de scepen(en) van loeven vande(n) meye(r) gemaent/ worde(n) die opembaerlic wijsde(n) voe(r) een vonnisse na aensprake na/ v(er)antw(er)de(n) en(de) na de waerheyt dat alsulke(n) aensprake alse de voirs(creven) meest(er) pet(er) voet gedaen hadde tot den voirs(creven) iii gebruede(re)n gheen/ doen en sal noch den vors(creven) meest(er) pete(re)n voete scade alsoe v(er)re alst/ noch voe(r) de he(re)n de scepen(en) come(n) was Cor(am) albus huffle grave(n) rike/ oud(erogghe) bone m(ar)tii xx xix[a] a(n)no xix[o]/