Het sijn comen in rechte voe(r) meye(re) en(de) scepen(en) van loeven henric de voeght/ in deen side ende h(er) jan de voeght priester sijn brued(er) in dande(re) daer de/ voirs(creven) henric een aensprake dede tot den voirs(creven) h(ere)n janne ov(er)mids dat de/ selve h(er) jan geleidt is tot de(n) goeden goessens voeght brueder der voirs(creven)/ henrics en(de) h(er) jans seggende dat de voirs(creven) h(er) jan verdoelt wa(r)e metten/ voirs(creven) sinen beleyde inde goede hier na bescreven Inden yersten [aen] een half/ schuere met also vele hoefs als dat begrepen heeft gelege(n) te weyns/ goeden w(er)t Ite(m) [aen] een half block daer jeghen over geleghen metten bog(ar)de(n)/ vander eenre straten ter and(e)re aende side jan scepens w(er)t Item [aen] een half/ boend(er) lants gelege(n) in capellenblock voe(r) de haert Ite(m) [aen] tderdedeel van ene(n)/ groten eeusele gelege(n) neven henric luytgarden tot sinen half boender toe/ mette(n) derdendeel van twee gulden(en) It(em) [aen] de helecht vande(n) hoelvenne/ eusele Ite(m) [aen] twee dachmael heyden inde gemeynte van meerhout Ite(m) aen/ de helecht van twelf zillen leen broecs geleghen aende woeninghe te/ ghenen broeck en(de) dat bi desen redenen want goessen wilen de voeght/ vad(er) d(er) voirs(creven) gebrued(er) ter tijt dat hi in gehelen stoel sat met lijsbette(n)/ v(er)engeertruyden sinen wive de voirs(creven) goede te huwelic gaf de(n) voirs(creven)/ henricke sinen sone met lijsbette(n) aems sinen wive Voert seyde noch de vors(creven)/ henric de voeght dat de voirs(creven) goessen de voirs(creven) huwelike vorwarde/ geloefde te voldoen alse vanden leengoede(n) voe(r) de(n) he(re) en(de) voe(r) sijn/ ma(n)ne en(de) dien acht(er)volgende boet de voirs(creven) henric te thoenen dat de/ voirs(creven) goessen der voirs(creven) leengoede also na doet des voirs(creven) [wilen] goessens/ sijns vad(er)s ontfaen hadde en(de) daer na den voirs(creven) henricke sine(n) brued(er)/ daer in gecleedt en(de) gevesticht bi mae(n)nisse(n) des he(re)n en(de) wijsdo(m)/ d(er) ma(n)ne En(de) dat dit al van voer tot na also geschiet wa(r)e dat/ boet de voirs(creven) henric te thoenen also hi dat sculdich wa(r)e te thoenen/ en(de) metten minsten Op dwelc de voirs(creven) h(er) jan de voeght hem v(er)ant/ worde en(de) dede segge(n) met sine(n) gelev(er)de(n) voerspreke dat hem se(re) v(er)wond(er)de/ dat de voirs(creven) henric alsulken aensprake dede aengesien de vonnissen/ die daer voer op gewijst wa(r)en en(de) na dat de selve aensprake wa(r)e/ die de voirs(creven) henric voermaels tot den voirs(creven) h(ere)n janne gedaen hadde/ versocht d(aer) o(m)me de selve h(er) jan datmen hem houden woude in sinen/ beleyde Op dwelc de scepen(en) van loeven gemaent worden die den
//
voirs(creven) henricke wijsden tot sinen thoe(n)nisse dwelc hi dede ind(er) manie(re)n/ also hi hem v(er)meten hadde [Ite(m) droeghen de getuyghe(n) alse vand(er) helecht vande(n) xii zillen broecs dat de voirs(creven) wilen goessen den voirs(creven) goe henricke sinen sone in huwelik(er) vorw(er)den gelijc als die gelegen was aende side ten oesten wart Tuyghden oec voert dat dit al geschiede eer de(n) voirs(creven) h(er) jan geleydt was tot des voirs(creven) goessens sijns brued(er)s goede en(de) dat de dijck gemeyn wesen soude] Also dat de scepen(en) van loeven hier/ op wed(er) vanden meye(re) van loeven gemaent worden die wijsde(n)/ voer een vonnis dat nae aensprake na v(er)antw(er)den en(de) na thoe(n)nisse/ de voirs(creven) henric sijns vermets wael volcomen wa(r)e en(de) dat/ hem die goede volgen souden coram henrico de borchove(n) joh(ann)e/ de oppendorp filio q(uo)nda(m) walt(er)i joh(ann)e de oppendorp filio q(uo)ndam go(defri)[di]/ et henricus juede scabinis lovan(iensibus) anno m(illesi)[mo] cccc[mo] vicesi(m)op(ri)mo/ mensis maii die vicesimaq(ua)rta