It(em) cond sij alle(n) luden dat willem codde is come(n) in jegenw(er)dicheyt d(er)/ scepen(en) van loeve(n) en(de) heeft gegeve(n) en(de) bekendt dat hi gegeve(n) lambrechte/ pauwels van binckem een block ond(er) bogart en(de) lant [geheten de(n) hont] geleghe(n) te/ libbeke aende heerstrate tussche(n) de selve strate en(de) de goede/ reyners van boutershem te houden te hebbe(n) en(de) te wynne(n) van sente/ jans misse bap(tis)[te(n)] lest lede(n) ene(n) t(er)mijn van vijf ja(r)en lanc deen/ na dand(er) sond(er) myddel volgende elx jaers dair en bynne(n) te wete(n)/ de wynne(n)de lande opte helecht vand(er) vrucht d(air) op wassende