It(em) h(er) roelant he(re) van bourgevaul in jegenw(or)dicheyt d(er) scepen(en) van loeven/ gestaen heeft v(er)huert en(de) bekent dat hi verhuert heeft casse vande(n)/ bruele en(de) janne de juede vissche(r) den [nederste] wuwe(re) [vande(n) drien wouwe(re)n] gehete(n) straesborch[beke] wuwe(re)/ gelege(n) inde prochie va(n) s(int) pet(er)s woluwe ond(er) der elleyndigher marien/ te houde(n) te hebbe(n) en(de) te visschen van inganc merte naest leden/ ene(n) t(er)mijn van twelf ja(r)en lanc deen na dand(er) sond(er) myddel volgen(de)/ om een seke(re) so(m)me ghelts d(air) af de vors(creven) h(er) roelant hem openbair/ lic bekendt heeft vande(n) voirs(creven) casse en(de) janne volcomelic genouch/ gedaen sijnde en(de) heeft de voirs(creven) h(er) roelant de selve(n) casse(n) en(de)/ janne te mael d(air) af quijtgeschouden en(de) is vorwarde dat de vors(creven)/ casse en(de) jan de juede alle ja(r)e de(n) voirs(creven) t(er)mijn duer(ende) gheve(n) en(de)/ betale(n) selen alse vande(n) co(m)me(r) uut de(n) voirs(creven) wuwe(re) gaende viii/ oude schilde en(de) twe derdeel va(n) ene(n) ouden schilde voert hi en(de)/ is vorw(er)de dat de voirs(creven) h(er) roelant de(n) voirs(creven) casse en(de) janne/ eens leve(re)n sal [tussche(n) dit en(de) half merte naest comende] xii eyken sond(er) argelist om derke vande(n) wu/ we(re) mede te maken dwelc de voirs(ceven) casse e(de) jan uutgescheide(n)/[h(er) roela(n)t] deyken voirscr(even) op ha(r)en cost selen maken en(de) so gemaect op ha(r)en/cost de(n) voirs(creven) t(er)mijn duer(ende) wael en(de) loflic houden[de welke erke En(de) hier voer selen si den da(m)me vanden vors(creven) wuwe(r) houden den vors(creven) t(er)mijn duerende] Noch is hier/ in ond(er)sproke(n) dat de voirs(creven) casse en(de) jan ten eynde vande(n) vors(creven)/ t(er)mijn opte(n) voirs(creven) wuwe(re) laten selen derdalfhondert antenose/ en(de) sevenen(de)twintich hondert gruws en(de) twee barssers en(de)
//
heeft geloeft de voirs(creven) h(er) roelant de(n) vors(creven) casse en(de) janne/ vand(er) vors(creven) hueri(n)ghen de(n) voirs(creven) t(er)mijn duer(ende) rech genoech te/ doen en(de) [jege(n) ene(n) yegeliken] recht warant te sijn oec es noch vorwerde dat de/ voirs(creven) casse en(de) jan aende(n) voirs(creven) wuwe(re) elx jaers de(n) vors(creven) t(er)mijn/ duer(ende) verwerke(n) selen [sond(er) op dleste jaer] ii tsijs gul(den) te wete(n) xxxiii/ pl(a)c(ken) payments voe(r) elke(n) tsijs gul(den) gerekent en(de) hebbe(n) geloeft/de voirs(creven) h(er) roelant [in deen side en(de)]casse en(de) jan in dande(re) malcande(re)n/vande(n) vors(creven) sake(n) genoech te doen en(de) bi welke vorw(er)de(n)/ punte(n) en(de) condicie(n) boven bescr(even) de vor(creven) h(er) roelant [in dee(n) side] en(de) [casse en(de)] jan [in dande(re)] hebbe(n)/ geloeft malc ande(re)n vast en(de) gestedich te houde(n) en(de) te voldoen/ in alle d(er) [forme(n) en(de)] manie(re)n bove(n) bescr(even) [en(de)] q(uo)l(ibet) ass(ecutum) alb(us) ponte aug(usti)/t(er)cia q(ua)rta