It(em) lodewic van hoberge tymm(er)ma(n) is come(n) in jegenwordich(eit) der scepen(en)/ van loeven ende heeft gegeven ende bekendt dat hi gegeven heeft/ wille(m)me den wijng(ar)der vand(er) straten vier boenre lands wynnends lands/ luttel min of me(er) geleg(en) inde prochie va(n) wavre in alrehande/ steden ende stucken aldaer gelijc de voers(creven) lodewic die aldaer/ te houden plach Te houden te hebben ende te wynne(n) van/ kersmisse lestleden eenen t(er)mijn va(n) twelf jae(re)n lanc deen na dand(er)/ staphands sonder middel volgende Elx jaers hie(re)nbynne(n) op vier/ mudde rox goit ende payabel met wanne ende met vlogele/ wael bereydt der mate(n) van wav(r)e te sente andries misse apostels/ te betalen ende te loeven [wavre] te leve(re)n alle jae(re) den voers(creven) t(er)mijn duerende/ ende telken t(er)mijn als vervolghde scout Ende is vorwerde dat de
//
voers(creven) willem de voers(creven) lande laten sal ten eynde van sine(n) t(er)mijn [te sine(n) afsceyden] gelijc hi/ die vant te sinen income(n) te weten een half dachmael met wint(er)corne/ besayt ende een half boenre gestort Ende sal de selve willem de voers(creven)/ lande wael ende loffelic wynne(n) ende werve(n) ende die overmesten ten/ behoerleken tijden gelijc sinen reengenote(n) boven ende beneden En(de) alle (et)c(etera)/ dese vorw(er)de(n) (et)c(etera) opp(endorp) go(defri)[di] juede febr(uarii) xxiiii/