It(em) want jan corsbout sijn lossinge en(de) quijtinge heeft aen alsulke(n) vi rijnssche/ gul(den) erflecs tsijs voirscr(even) de(n) voirs(creven) henricke van delbroeke op ande(re) goede/ pande bewisen mach en(de) de voirscr(even) molen mette(n) goede(n) d(aer) toe horende/ ontlasten bynne(n) vijf ja(r)en naest comende gelijc de vorw(er)de inheeft/ So eest dat de selve jan corsbout gekent [gelijdt] en(de) gewillecoert heeft/ voe(r) scepen(en) van loeven dat de voirs(creven) ja(n) gielijs in dier vuege(n)/ de voirs(creven) vi gul(den) losse(n) en(de) op ande(re) pande bewise(n) mach [bynne(n) ii jae(r) naestco(mende)] de(n) voirg(enoemde)/ henr(icke) va(n) delbroeke gelijc de voirs(creven) jan corsbout dat doen mocht en(de) de vors(creven) ja(n) gielijs heeft voert geloeft dat also te doen bynne(n)/ de twee ja(r)en naest comende vors(creven) cor(am) eisde(m)/