Dits vande(n) selve(n) getuyge(n) gedrage(n) voe(r) / die stat/ Inden jaire ons he(re)n m cccc en(de) xxi xii dage inde(n) mey so heeft art van meerhout die beleit is totte(n)/ goede hier ond(er) gescreve(n) ald(er)hande getuge(n) doen dagen en(de) haer vaste conde doen segge(n) mette(n) rechte/ ghecit ten heilgen w(er)t en(de) oic sulke hair beste conde geseet sonder eett met consente en(de) wille jans/ van raetshove(n) dair tiegewoirdich wille(n)de en(de) co(n)sentere(n)de inder saken staende en(de) ruere(n)de tusschen/ de selve willeme [arde] en(de) janne/ Inden irsten j als vande(n) goede van cranebroec houde(n)de tussche(n) x ix [(½)] vi(½) dachmael gelijc dat d(air) gelege(n) is/ na inhoude(n) d(er) scepen(en) brieve van lovene d(air) op gemaect so hebbe(n) ged(ra)gen op haer eett eendrachtichlec/ jan goetschalc en(de) claes goetschalc sijn brued(er) meyer des he(re)n van hev(er)le pet(er) couwe(n)s wout(er) v(er)machtoude(n)/ wout(er) van beringe(n) en(de) jan vander moelen dat datselve goet dat sij dair wijsde(n) m(et) ving(er) en(de) met/ hande(n) en(de) [m(et)] voete(n) dair op staende(n) houde(n)de o(m)trint x of x(½) dach(mael) gelijc voirs(creven) is gevallen was ind(er)/ deilinge(n) gesteynt en(de) gereynt den kinde(re)n van creyenheem en(de) henr(icke) goutack(er) te wete(n) es jans/ kinde(re)n van creyenhee(m) v(½) dach(mael) of d(air)trint (et) henr(icke) goudack(er) v dach(mael) of d(air)omtrint en(de) dat/ jan van rieuwe in die selve x of x(½) dach(mael) noeyt voet erfs en hadde altoes strikende totter/ gracht die sij wijsde(n) met ving(er) en(de) m(et) hande(n) en(de) bove(n) die gracht te glabbeke w(er)t soe viele/ jans vande(n) rieuwe gedeilte dat sij dair bescheidelijc bewijsde(n) Voirt so w(er)t gevraecht jans/ van raetsh(oven) getuge(n) op ha(r)en eet of haren eet of sij yet conde(n) getuge(n) of gesegge(n) cont(ra)rie hier/ tiege(n) wed(er) of niet algad(er) aldus en wa(r)e gelijc die geseyt is d(air) antw(er)den sij op hair yet dat/ sij hier tiege(n) neergerins en conde(n) noch getuge(n) [noch geseggen] noch (con)t(ra)rie gesien en hedde(n)/ Voirt meer so bewijsde art van meerhout noch meer goede te ii of iii stade(n) gelege(n)/ dair oec getugenisse op gedaen was welc getugenisse d(er) scepen(en) van bunsb(eke) in ha(r)e hoeden/ hebben dat ons oic wel condich is dair wij te des(er) tijt niet af en scrive(n)/ Hier bij en(de) ane hebbe(n) geweest hoge edele en goede liede h(ere)n wout(er) va(n) kersb(eke) ridd(er) he(re) van/ goetshove(n) jonck(er) willem van montenake he(re) van grase(n) balloy van winde en(de) jan sijn broed(er)/ art van bleesb(eke) jan vand(er) borch jan d(er) raet en(de) vele ande(re) goed(e) liede dair toe te getuge genome(n)