It(em) hoe wael dat tusschen henrick van duffel in deen side en(de) gielise/ vand(er) loe van poed(er)loe die geleydt is tot den goeden dympne(n) docht(er)/ arnts wilen joes in dande(re) een gedinghe voir meye(r) en(de) scepen(en) van/ loeven and(er)wile geweest is van vele porchelen van goeden inde/ prochie van tielde geleghe(n) ond(er) den ande(re)n begripende tderde gedeelte/ van ene(n) boender mours gelege(n) aende luttersmee(re) dair af op die tijt/ een vonnisse bide scepen(en) van loeve(n) gewijst waert dat gielise/ vand(er) loe en(de) sine(n) beleyde volge(n) soude(n) d(er) voirs(creven) dympne(n) kijnsge/ deelte inde goede die doen dair geruert worden also v(er)re alst op/ die tijt voir de scepen(en) comen was ind(er) voeghe(n) en(de) gelijc processe/ vande(n) voirs(creven) gedinghe gescr(even) in dit selve boec opte(n) xxiiii[ste(n)] dach/ van octobri begrijpt en(de) inheeft So is nu nochtan cortelinghe/ de voirs(creven) henric van duffel wed(er)comen voir scepen(en) van loeven/ en(de) heeft wed(er)aen gesproken tvoirs(creven) derdegedeelte vande(n) voirs(creven)/ half boende(re)n mours met alrehande woerde(n) en(de) redene(n) die hi dair/ toe vueghde en(de) cleedde Dair toe de selve henric hem alrehande/ waerheyde(n) en(de) thoenisse(n) v(er)mat daer toe hi bi consent des voirs(creven)/ gielijs inden recht [dach] toe genomen hadde dat te doen opten dach/ van heden Tot welken daghe de voirs(creven) henric niet en qua(m)
//
Also dat de meye(r) van loeven ten versueck des voirs(creven) gielijs dair op/ maende de scepen(en) van loeven wes recht sijn soude welc scepen(en)/ van loeven wijsde(n) voir een vonnisse so waer de voirs(creven) henric van/ duffel niet en thoende ten opstaen vande(n) meye(r) en(de) scepen(en) dat dan alsulke(n)/ aensprake als de voirs(creven) henric gedaen hadde den voirs(creven) gielise gheen ontstade/ doen en soude P(rese)ntib(us) joh(ann)e de huffle joh(ann)e de borchove(n) waltero pynnoc/ et goessuino ouderogghe scabinis lovan(iensibus) anno m[mo] cccc[mo] xxiii me(n)sis/ junii die quinta