It(em) jan van wet(er)beke die ov(er)mids vonnisse van scepen(en) brieve(n) van loeve(ne)n na de heer/licheit ons genedichs h(ere)n van braba(n)t en(de) na sijnre stat recht van loeve(ne)n come(n) en(de) /geleidt is tot alle(n) den goede(n) daneels wile(n) van lathem is come(n) in jegenwordich(eit)/der scepen(en) van loeve(ne)n en(de) heeft gegeve(n) en(de) bekendt dat hi gegeve(n) heeft gielise/van woluwe geleg thof t(er) to(m)men mette(n) huyse(n) hoven wynnende(n) landen beemde(n) /en(de) eeusele(n) met alle(n) sine(n) toebehoirte(n) gelijc de selve goede inde prochie van/grymb(er)ge gelege(n) sijn te houden te hebbe(n) en(de) te wynne(n) van nu sent jans misse/baptiste(n) naest comende eene(n) t(er)mijn van twelf jae(re)n lanc deen na dander stap/hands sonder middel volgende elx jaers daerenbynne(n) de voirs(creven) wynne(n)de/lande omette(n) beghine(n) lande ald(aer) gelege(n) om eenen(de)tsestich zac en(de) een(en) zester/rogs twelf zac tarwen een(en) zac erwite(n) en(de) eene(n) sac raepsaeds en(de) acht sac/ghersten [en(de)] viii zac evene(n) all goit en(de) payabel der mate(n) van grymb(er)ghen
//
tsente andries misse apostels te betale(n) en(de) vallende en(de) te kersmisse te betale(n) /en(de) bynne(n) den voirs(creven) hove vand(er) to(m)men te leve(re)n alle jae(re) den voirs(creven) t(er)mijn duere(n)de/en(de) telk(en) t(er)mijn als vervolghde schout En(de) de voirs(creven) beemde en(de) eeusele op/seve(n)dalf crone vrancr(ijx) goit en(de) gheve te sente m(er)tens misse inde(n) wynt(er)/te betale(n) alle jae(re) den voirs(creven) t(er)mijn duerende en(de) telke(n) t(er)mijn als etc(etera)/End(e) de voirs(creven) wynne sal alle jae(re) den voirs(creven) t(er)mijn duerende den voirs(creven) ja(n)ne/een zester lijnsaeds zaeyen en(de) dlant d(aer) toe bereiden daer tot hem de vors(creven) /jan den zaet leve(re)n sal It(em) sal de voirs(creven) wynne alle jae(re) zome(re)n en(de) wynte(re)n / drie coye gelijc den sine(n) En(de) soe waer hi die niet en zomerde noch en / wynterde so sal hi daer voe(r) gheve(n) x mottone It(em) sal de voirs(creven) wynne/jaerlex sayen dbloexke(n) voe(r) de port met raepcrude en(de) dat sullen de selve/wynne en(de) jan half en(de) half hebbe(n) It(em) sal de voirs(creven) wynne den voirs(creven) janne/alle jae(re) halen seven voeder hoys en(de) seven voeder houts te bruessel oft eld(er)/It(em) noch sal de voirs(creven) wynne alle jae(re)n int voirs(creven) hof leve(re)n xii[c] walme(re) voirt/sal de voirs(creven) wynne de drie aerde vande(n) voirs(creven) lande late(n) te sine(n) afscheide(n)/gelijc hi die vijnt te sine(n) incomen It(em) sal noch de voirs(creven) jan van wet(er)beke/op dlest jae(re) vand(er) voirs(creven) t(er)mijn sette(n) moghen eene(n) zaie(re) op dat hem/ghenueght en(de) de voirs(creven) wynne sal den zaie(re) tsaet leve(re)n It(em) en sal/de vors(creven) wynne bynne(n) den leste(n) drie jae(re)n gheen lant moghen hue(r)vruchte(n)/uutgenome(n) een buenre lands d(aer) op hi raepsaedt sal moghen zaeyen/En(de) sal de voirs(creven) wynne de beemde en(de) eeusele voe(r) thof mayen en(de) /theren mogen tot sente jans misse toe ten lesten jae(re) It(em) sal de vors(creven) /wynne ten halve(n) tide van sine(n) t(er)mijn mogen sceyde(n) en(de) dat den voirs(creven) /janne een jae(re) te voe(re)n late(n) wete(n) It(em) sal de voirs(creven) wynne te sine(n) afscheide(n)/met eene(n) thuyn begrechte(n) vande(n) calvereusel tot bove(n) aent savoer/en(de) de thuyn daer hi husinge die de wynne besight sal de selve/wynne houden van wendde(n) en(de) van dake sonder van nuwer ty(m)me/ringhen It(em) sal noch de voirs(creven) wynne de porte ald(aer) moghen besige(n)/en(de) de voirs(creven) jan salse doen decken en(de) des gelijcs sal oic de selve/wynne den sulde(re) bove(n) den ridestal hebbe(n) o(m)me sijn core(n) d(aer) op te/legge(n) It(em) sal de voirs(creven) wynne alle jae(re) sine(n) t(er)mijn duerende sette(n)
//
vijftich poete(n) En(de) voe(r) elken verdroeghden boem sal de voirs(creven) wynne twee/poten vande(n) selven aerde [wed(er)] sette(n) [En(de) alle] hier af sijn burghen des voirs(creven) gielijs van/woluwe als principael sculde(re)n ongesundert en(de) ongesceide(n) jan van/heven(en) en(de) woute(re) de becke(re) van hoenbeke de welke de voirs(creven) gielijs/heeft gelooft hier af scadeloes te ontheffen