It(em) want stoet en(de) thebat opv(er)staen wae(re)n tusschen janne en(de) arnd van he(re)nt gebruede(re) in deen/ side en(de) janne den clerc den jonge en(de) janne [de clerc] sine(n) sone in dande(r) van alsulken goede(n) beyde have/ en(de) erve als bleve(n) sijn na de doet wilen m(ar)griete(n) moeder der voirs(creven) jans en(de) arnts van/ he(re)nt ghebruede(re) en(de) oudermoeder des voirs(creven) jans clerc sjongste(n) So sijn de voirs(creven) p(ar)thie(n)/ comen voe(r) scepen(en) van loeven(en) en(de) hebbe(n) hen van dien stoet gecomp(ro)miteert en(de) verbonde(n) in/ segg(ere)n en(de) vriendelike yffene(re)n te wete(n) de voirs(creven) [jan en(de)] art van he(re)nt gebruede(re) in h(ere)n woute(re)n/ neve hue deken(en) der concilie(n) van loeve(ne)n en(de) in janne den witre en(de) de voirs(creven) jan de clerc/ en(de) jan de clerc sijn zone in woute(re)n van cleve en(de) in arnde vande(n) velde dieme(n) heet van/ moutbroec op dese vueghe dat de voirs(creven) segg(ere)n der voirs(creven) p(ar)thien aensprake vorw(er)de(n)/ en(de) bescheit aenhoe(re)n sulle(n) en(de) die aengehoirt hue(re) seggen vand(er) voirs(creven) sake(n) [d(aer) af] segge(n) tussche(n)/ dit en(de) nu sondage naest comende En(de) hebbe(n) gelooft de voirs(creven) p(ar)thien vast en(de) gestentich/ te houden so wes de voirs(creven) segg(ere)n daer hier af seggen sulle(n) dit gedaen sijn come(n) de
//
voirs(creven) segg(ere)n voe(r) scepen(en) van loeve(ne)n tyerst de gelegenheit vand(er) voirs(creven) sake(n) dbescheit d(er)/ voirs(creven) p(ar)thien aengehoirt en(de) hebben hue(re) segge(n) inder [vand(er)] voirs(creven) saken geseeght inder vueghen hier/ na volghende ierst dat de jan doelsleghe(re) inde(n) name vande(n) voirs(creven) janne den clerc den / hebben sal als vand(er) have(n) die v nader voirs(creven) wile(n) m(ar)griete(n) bleve(n) is acht rijnsche gul(den) eens/ en(de) des gelijx sal de jongste jan de clerc vander selver have(n) hebbe(n) een zilve(re)n schael die/ hem de voirs(creven) jan de cle van he(re)nt leve(re)n sal Ite(m) [noch] sal de voirs(creven) jan de clerc de jonghe hebben een/ smael bedde met eene(n) paer slapelake(n) en(de) eenre sarghien voirt is hue(re) seggen dat de voirs(creven)/ jan de clerc de jongste en(de) arnt sijn brueder kijnder des voirs(creven) jans de clerc sjonge(n) gelijc/ deyle(n) en(de) in hue(re) moed(er) stat staen sulle(n) in alle derffelike goede die na d(er) voirs(creven) wilen/ m(ar)griete(n) sijnre hue(re) oudermoeder bleve(n) sijn uytgescheyde(n) de bossche die tot ophem gelege(n)/ sijn d(aer) af de voirs(creven) jan de clerc de jongste t(er)dendeel alleen behoude(n) sal Noch is hue(re) segge(n)/ datme(n) terdegedeelte der voirs(creven) erfgoede toebehoirende den voirs(creven) janne en(de) arnde de clerc/ gebruede(re)n vercope(n) en(de) ten hoeghsten bringe(n) sal en(de) om tghelt d(aer) af comende lijfpensie/ cope(n) die te(n) live der selver jans en(de) arnts de clerc staen sal op also dat de voirg(enoemde) jan/ doelsleg(er) die lijfpensie heffe(n) en(de) boe(re)n sal tott(er) tide toe dat hi sijn schout ingehave(n) sal hebbe(n)/ en(de) hem die ingehave(n) hebbende sal elc vande(n) voirs(creven) janne den clerc den jonge(n) en(de)/ m(ar)griete(n) sinen wive vad(er) en(de) moed(er) d(er) voirs(creven) jans en(de) arnts clerc gebruede(re) de helecht/ vand(er) voirs(creven) lijfpensie(n) heffe(n) en(de) boe(re)n also lange als si sulle(n) mer ghevielt dat/ enich vande(n) selve(n) janne en(de) m(ar)griete(n) sine(n) wive van live(n) t(er) doet quame so soude die/ lijfpensie opte [d(aer) de ghene die also aflivich worde(n) is theffen in hadde] [den] voirs(creven) janne en(de) arnde gelijc hue(re)n kijnde(re)n gelijc verstorve(n) [toecome(n)] en(de) hen beyde(n) /gelijc toebehoire(n) en(de) te bate(n) come(n) voirt is hue(re) segge(n) dat de voirs(creven) jan en(de) arnt van/ he(re)nt gebruede(re) met alsulke(n) scepene(n) brieve(n) van loeven(en) daer mede si totte(n) voirs(creven)/ goede(n) geleit sijn goede(n) en(de) erve(n) sulle(n) de ghene die copen sulle(n) tghedeelte vande(n)/ voirs(creven) goede(n) den voirs(creven) janne en(de) arnde den clerc gebruede(re) toebehoirende [en(de) hier mede sulle(n) de voirs(creven) p(ar)thien vanden voirs(creven) sake(n) [deen mette(n) ande(re)n] ges teeuwegen dage(n) geslete(n) en(de) v(er)enicht sijn] cor(am)/ lynde(n) ponte ja(nuarii) xx[a]