SAL7718, Akte: V°112.1 (64 van 154)
Akte V°112.1
Act
Datum: 1423-11-23
Taal: Nederlands
Transcriptie
2011-10-21 door Kristiaan MagnusIt(em) want stoet tebat en(de) gheschille opv(er)staen en(de) geresen heeft geweest/tussche(n) joffrouwe lijsbette(n) weduwe willems wilen van wilde(re) in deen side/en(de) mathise van bierbeke die haerre docht(er) heeft in dande(r) van alsulke(n) /goede(n) als bleve(n) en(de) v(er)storve(n) sijn vand(er) side(n) en(de) van wege(n) des voirs(creven) wile(n)/ willems van wilde(re) beyde leene erve en(de) eyghen so waer die gelege(n) /sijn So sijn dair o(m)me de voirs(creven) p(ar)tien comen voe(r) scepen(en) va(n) loeve(n) /en(de) hebbe(n) hen hier af verbonden en(de) gep(ro)mitteert in segge(re)n en(de) vriendelike/yffene(re)n te wete(n) de voirs(creven) joffr(ouwe) lijsbeth in pete(re)n van nethene(n) en(de) janne/van nethene(n) dieme(n) heet vande(n) royele en(de) de vors(creven) mathijs in wille(m)me/van wilde(re) en(de) in henricke van bierbeke brued(er) des voirs(creven) mathijs Op/also dat elc vande(n) vors(creven) p(ar)tien sine(n) eysch recht en(de) bescheit dat hi meyndt/te hebbe(n) inde(n) goede(n) voirs(creven) de(n) voirs(creven) segge(re)n bib(ri)nge(n) selen tussche(n) dit en(de) /vierthien nacht [naest] comende en(de) dat vande(n) segghe(re)n aengehoert dat dan/de vors(creven) segge(re)n bynne(n) de(n) selve(n) tide hae(re) segge(n) d(air) af segge(n) en(de) p(ro)nu(n)cie(re)n/sele(n) En(de) so wae(re) de voirs(creven) segge(re)n des bynne(n) dien tide niet eens ghe/w(er)de(n) en conste(n) so selen de selve segge(re)n d(air) af al bynne(n) de(n) selven/tide ene(n) ov(er)man kiese(n) en(de) neme(n) die de voirs(creven) sake(n) mechtich sal sijn/bynne(n)
d(er) stat va(n) loeve(n) gesete(n) [en(de) die man van leen sal sijn
des hoefs van loterbeke?] die d(air) af sijn seggen sal bynnen/ drien [viii] daghe(n) dair naist volgende Gelovende de voirs(creven) p(ar)tien/ voirs(creven) vast en(de) gestedich te houde(n) so wes de voirs(creven) segge(re)n of/dern ov(er)man d(air) af segghe(n) en(de) p(ro)nu(n)cie(re)n sele(n) cor(am) rike lye(ming)[en]/no(vem)[br(is)] xxiii
Nagekeken door: Bart Thoelen , Inge Moris
Moderator: Inge Moris
Laatste update:: 2011-10-21 door Inge Moris