It(em) want jan de pape van wet(er)beke overmids vonnisse van scepen(en) brieve(n) van/loeven hem bekendt van danele wilen van lathem come(n) en(de) geleydt is tot alle/den goeden have en(de) erve des selfs wilen daneels so waer die gelege(n) sijn/daer om eest dat de voirs(creven) jan de pape van weterbeke come(n) is voe(r) scepen(en)/van loeven(en) en(de) heeft gekent en(de) ghelijt openbairliken overmids virtuyt/vande(n) voirs(creven) beleyde dat de voirs(creven) jan van heve(re)n wynne des hoefs van/sceplaken met sine(n) toebehoirte(n) [tot de(n) voirs(creven) goeden des voirs(creven) wilen den daneels behorende] behoe(re)nde totte(n) voirs(creven) goeden dan [den] voirs(creven) janne/den pape van wet(er)beke goede witteghe rekeni(n)ghe onderwijs en(de) betalinghe/gedaen heeft vande(n) selve(n) hove van scheplake(n) beyde van coren en(de) van ghelde
//
daer op de selve jan van heve(re)n tvoirs(creven) hof van scheplaken jaerlix in pachtinghe(n) houdt/tot sent jans misse baptisten toe lestleden sonder arghlist Soe dat de voirs(creven) jan de/pape van wet(er)beke den voirs(creven) janne van heve(re)n [tot opten vorscr(even) dach] van alle(n) daghen en(de) t(er)mine(n) voirleden/ tot opte(n) voirs(creven) dach vander pachtinghen d(er) voirs(creven) goede volcomelic en(de) altemael quijt/geschouden heeft Gelovende de voirs(creven) jan de pape van wet(er)beke den voirs(creven) janne/van heve(re)n van all des bynne(n) den voirledene(n) t(er)mine(n) des voirs(creven) is jeghen eenen/yegeliken tontheffen en(de) recht wara(n)t te sinse hier wae(re)n ov(er) lyemi(n)ge(n) en(de) jan/van hug(ar)de(n) sept(ima) octobr(is)