Cond sij allen liede(n) dat jan syseyn van winczel in jegenwoerdicheit der/ scepen(en) van loeve(n) gestaen heeft genome(n) en(de) bekendt dat hi genome(n) heeft/ vanden p(ri)ore en(de) convente des godshuys van gruenendale de goede des/ selfs godhuys hier na bescreve(n) inde p(ro)chie van winczele gelege(n) inde(n)/ yersten drie vierdel lants gelege(n) opte liperman tussche(n) de goede ka/ th(er)ine(n) van ysche en(de) de goede der kijnde(re) bardmak(er)s It(em) drie vierdel/ lants gelege(n) boven de ned(er) herstrate tussche(n) de goede h(er) jans gerijs/ en(de) de goede jan maes Ite(m) and(er)half dachmael lants gelege(n) aende/ scuyldore(n) tussche(n) de goede jannes van b(er)them en(de) de goede henrics/ de bossche(re) Ite(m) drie vierdel lants gelege(n) aende(n) wech gaende te/ velthem wart tussche(n) de goede henrics van winczele en(de) de goede/ lijsbette(n) swilden Ite(m) drie vierdel lants gelege(n) boven tkerselerken/ tussche(n) de goede kath(er)inen van ysche en(de) de goede gielijs de valke/ It(em) een dachmael lants gelege(n) ald(aer) boven [tvelt geheten] den kalcoven(en) tusschen/ de goede henrics de bussche(re) en(de) de goede lijsbette(n) wasscharts Ite(m)/ drie vierdel lants gelege(n) opte(n) biloc tussche(n) de goede henrics van/ wincsel en(de) de goede jans lambrechts Ite(m) xiiii roede(n) lants gelegen/ onder den berch tussche(n) de goede henrics van winczel voirs(creven) te winczel/ wart en(de) de kijnde(re) wesens goede aende side te berthsemwart Te/ houden te hebbe(n) en(de) te wynne(n) van half merte dat was int jair/ ons he(re)n m cccc en(de) tween(de)twintich ene(n) t(er)mijn van twelf/ jaren lanc deen na dand(er) dair na sond(er) myddel volgende elcs jaers/ daer en bynne(n) om xxxvi molevate rogs goet en(de) payabel met/ wa(n)ne en(de) m(et) vede(re)n wel bereydt d(er) maten va(n) loeve(n) alle jae(re)/ hier en bynne(n) ts(ente) andries misse apostels te betale(n) en(de) tot loeve(n)/ te leve(re)n telke(n) t(er)mijn alse vervolghde schout En(de) is vorw(er)de/ dat de voirs(creven) jan syseyn de voirg(enoemde) goede bynne(n) de(n) t(er)mijn/ voirscr(even) tweewerf wel en(de) loflic ov(er) mesten sal en(de) alle Ite(m)
//
sal de voirs(creven) jan jaerlex de(n) voirs(creven) t(er)mijn duerende ghelde(n) en(de) betale(n)/ alle den tsijs en(de) co(m)mer uut de(n) voirg(enoemde) goeden gaende sond(er) cost/ des godshuys voirs(creven) Ite(m) en sal noch en mach de voirs(creven) jan inde leste/ drie jaer vanden voirs(creven) t(er)mijn gheen lant moge(n) hoevruchten mer/ sal de voirs(creven) [selve] lande laten te sinen affscheide(n) gelijc hi die vant te/ sine(n) aencomen te wete(n) dlant opte(n) lip(er)man en(de) and(er)half dachmael/ aenden scuyldoren en(de) drie vierdel la ae boven de ned(er) herstrate/ en(de) de xiiii roede(n) lants ond(er) den berch met rogghe besayt/ op vier getideghe voren en(de) alle dande(re) lant sal [hi] eens ov(er)erien/ ter braken En(de) alle dese punte(n) en(de) vorw(er)de(n) vorscr(even) heeft geloeft/ de voirs(creven) jan de(n) godshuyse vors(creven) wel en(de) volcomelic te voldoen/ en(de) te betale(n) en(de) telke(n) t(er)mijn alse v(er)volghde schout/ oppendorp walt(ero) calstr(is) junii xxvi
//