It(em) want stoet en(de) tebat is tussche(n) h(ere)n laureys voet prieste(re)/in deen side en(de) meest(er) pet(er)en voet sine(n) brued(er) in dande(re) van/alsulke(n) erflicke(n) goeden [alse v(er)re] als de voirs(creven) gebruede(re) hen [daer in] rechts v(er)mete(n)de/sijn inde selve goede die bleven sijn van reynen voet hae(re)n neve [Ende dore wae(re)n reyne(re)n voet]/So sijn de voirs(creven) p(ar)tien des come(n) voe(r) scepen(en) van loeve(n) en(de)/hebbe(n) hen des verbonden en(de) gep(ro)mitteert in segge(re)n en(de) vriende/like yffene(re)n te wete(n) in janne vand(er) meertshove(n) steve(n) vande(n)/ekelhoven lambrechte van steenb(er)ghe(n) int hoerneke(n) te bruessel/en(de) janne vande(n) meersb(er)ghe op alsulke(n) voeghe dat beyde
//
de p(ar)tien hae(re) bescheit en(de) alle dat si tot de(n) voirs(creven) goede(n) eysschende/moge(n) sijn gheve(n) selen in gesriffte ind(er) segghe(re)n hande bynne(n)/xiiii nachte(n) d(aer) naist comende en(de) dat de segge(re)n bynne(n) xiiii nachte(n)/d(aer) naist volgende hae(re) segge(n) tussche(n) de selve p(ar)tien segge(n) sele(n) of/bynne(n) de(n) selve(n) tide met alle de(n) bescheide dat d(aer) af voe(r) hen come(n)/sal come(n) sele(n) voe(r) scepen(en) va(n) loeve(n) en(de) hale(n) des een wittich/vonnisse gelijc of di des met na vorme(n) va(n) recht gedongt hadde(n)/Op also waert dat e(n)nich vande(n) voirs(creven) iiii segghe(re)n gebrake die/dair niet come(n) en muchte dat dan de voirs(creven) p(ar)tien eendrechtichlike(n)/ene(n) ande(re)n gelike(n) seggher in die stad sele(n) mogen neme(n) sond(er) argelist/Gelovende beyde de voirs(creven) p(ar)tie(n) vast en(de) gestedich te houde(n) so wes/de voirs(creven) segghe(re)n voe(r) een segghen of de scepen(en) van loeve(n) voe(r)/een vonnisse wise(n) selen etc(etera) borch(oven) wante maii xxiiii/