SAL7720, Act: R°58.2-V°58.1 (24 of 123)
Search Act
previous | next
Act R°58.2-V°58.1  
Act
Date: 1426-09-09
LanguageNederlands

Transcription

2022-11-14 by 
It(em) willem de scherde(re) van berghe bi campenhout in jegenwordich(eyt) der scepen(en) van/
loeven(e) gestaen heeft genome(n) en(de) bekindt dat hij genome(n) heeft van brueder/
gielise vanden broeke conveers des godshuys vande gruenendale inde(n) name/
en(de) van weghen des voirs(creven) godshuys de goede hier na gescreve(n) inde prochie/
van berghe gelegen Inden yersten v dachmale lands gelege(n) in ses stucken/
daer af deen houdende twee dach(mael) es gelege(n) opt cleynveldeke(n) aende strate/
ten dale tusschen de goede jans wilen van horten en(de) de goede marien ghijs/
brechs Dander stuck houdende een half dachmale es gelege(n) opt selve velt/
tusschen de goede she(re)n wilen van huldenberge en(de) de goede jans vranx Tderde/
stuc houdende een dachmale es gelege(n) aldair tusschen de goede marien/
ghijsbrechs voirs(creven) en(de) de goede jans vranc op deen zide en(de) de goede claes/
van oss en(de) de goede she(re)n wilen van huldenb(er)ge(n) op dand(er) Tvierde stuck/
houdende een half dachmale es gelege(n) opt bergervelt tussche(n) de goede/
jan hanemans en(de) de goede der provende(n) vander kerke(n) van berghe/
Tvijfte stuck houdende een half dachmale es gelege(n) opte(n) couther/
tusschen de goede sheylichs gheests van berghe en(de) de goede goerds/
scamp Tseste stuck houdende oic een half dachmale es gelegen opt/
selve velt tussche(n) de goede des voirs(creven) heylichs gheest van berghe/
en(de) de goede osts van dorpe Te houde(n) te hebben en(de) te wynnen van/
half meerte dat was int jae(r) ons h(ere)n m cccc xxiiii eene(n) t(er)mijn van/
neghen ja(r)en lanc deen na dander staphands sonder middel volgende/
Elx jaers daerenbynne(n) om seve(n) viertelen rogs goit en(de) payabel/
der mate(n) van mechele(n) te sente andries misse apostels te betale(n) en(de)/
te berghe [mechelen] of te bruesel daert den voirs(creven) bruede(r) gielise genueghen/
sal te leve(ren) sonder des voirs(creven) godshuys cost alle ja(r)e den voirs(creven) t(er)mijn/
duerende en(de) telke(n) t(er)mine als vervolghde schout En(de) es vorwerde dat
//
de voirs(creven) wynne de voirs(creven) lande wael en(de) loffelic wynne(n) sal en(de) werve(n) gelijc/
sine(n) reengenote(n) bove(n) en(de) benede(n) en(de) die bynne(n) den lesten vier ja(r)en niet/
hue(r)vruchte(n) noch waranzayen Item sal hij noch tselve landt bynne(n)/
sijnen jae(r)scha(r)en eenwerve(n) wael en(de) loffelic overmesten En(de) sal de/
selve wynne een halve dachmale gelege(n) opt bergervelt opt leste jae(r)/
eens geerijt late(n) Item thalve dachmale gelege(n) opt couther bide goede/
gords scamp en(de) noch een halve dachmale opt selve velt bide goede/
osts van dorpe met rogge besait op sijn tidege vo(r)en Ite(m) de drie/
stucke(n) opt cleynveldeke(n) gelege(n) sal hi all bloet late(n) te sine(n) afscheyde(n)/
En(de) alle dese vorwerde(n) (et)c(etera) calstr(is) g(ra)ven sept(embris) ix
Contributors
Moderated byGreet Stevens
Last update: 2012-03-06 by Inge Moris