Cond sij alle(n) liede(n) dat jan van erpe es comen in jegenworcheit d(er) scep(en)en/ van loeven en(de) heeft gegheve(n) en(de) bekendt dat hi gegeven heeft goerde de/ mylte(re) van meld(er)t thof des voirs(creven) jans gelege(n) tot overloe mette(n) huysen/ hove(n) wynnende(n) lande(n) beemde(n) en(de) eeusele(n) met sine(n) behoirte(n) gelijc jan/

tyelens boude(n) van meensele dat nu gehoude(n) heeft Te houden te hebbe(n)/ en(de) te wynne(n) van half merte naest comende ene(n) t(er)mijn van net ov(er) een/

jae(r) die wesen sal int jair ons he(re)n m cccc en(de) xxvii ene(n) t(er)mijn van/ neghe(n) jae(re)n j lanc duerende deen na dand(er) staphans volgende elcs jaers/ daer en bynne(n) om(me) xliiii mudde rogs en(de) sesse mudde tarwen goet en(de)/ payabel m(et) wa(n)ne en(de) met vede(re)n wael bereydt d(er) mate(n) van loeve(n) alle jae(re)/ ts(en)te andries misse apostels te betale(n) en(de) tot loeve(n) ter woeni(n)ghe(n) des voirs(creven)/ jans te leve(re)n en(de) telke(n) t(er)mijn alse v(er)volghde [schout] En(de) om sessen(de)twintich gulde(n)/ te wete(n) twee nuwe gulden crone(n) d(er) mu(n)ten skoninx van vrancr(ijc) nu gemeynlic/ in burse(n) gaende voe(r) iii vande(n) voirs(creven) gulden gerekent tsinte m(er)tens misse inde(n)/ wynt(er) te betale(n) alle jae(re) de(n) voirs(creven) t(er)mijn duerende en(de) telke(n) t(er)mijne alse v(er)volghde/ schout Ite(m) sal de voirs(creven) wyn alleen behoude(n) beyde de voirs(creven) bogarde staende/ voe(r) de porte vande(n) hove voirs(creven) En(de) de voirs(creven) jan sal alleen behouden/ den bogart achter de sceperye aldaer En(de) alle doeft inde(n) groten/ bogart aldair wassende sele(n) de voirs(creven) jan en(de) de wyn hebbe(n) en(de) deyle(n)/ half en(de) half en(de) den leser die dat ten tide lesen sal gelijc lonen en(de)/ betale(n) En(de) alle de note opte voirs [geheel] goede jaerlex wassende sele(n) de/ voirs(creven) ja(n) en(de) de wyn [oec] deyle(n) en(de) hebbe(n) te gelike half en(de) half welke helecht/vande(n) oefte [des voirs(creven) jans] voirscr(even) de voirs(creven) wyn des voirs(creven) jans vande(n) oefte voirscr(even)/ de voirs(creven) wynne de(n) selve(n) janne tot loeve(n) leve(re)n sal It(em) es vorw(er)de/ dat de voirs(creven) wyn op dat hem genueght ten sesse jae(re)n scheyde(n)/ mach dwelc hi de(n) voirs(creven) janne anderhalf jae(r) te vore(n) sal late(n)/ wete(n) En(de) waert also datme(n) aent vors(creven) hof yet dede plecke(n) decke(n) oft/ ty(m)me(re)n van ouden werke d(aer) af sal de voirs(creven) wy jan de wercliede(n)/ de dachhue(re)n betale(n) en(de) de vors(creven) wyn sal hen de(n) montcost gheven/ Ite(m) mach de vors(creven) wynne de trunceyke(n) ald(aer) de willighe(n) en(de) de popele(re)n/ opte(n) vors(creven) goede staende moge(n) truncke(n) En(de) waert also dat daer e(n)nige(n)/ boem verdroeghde die mach de vors(creven) wyn afhouwen en(de) daer voer/ vande(n) selven aerde twee poten wed(er)sette(n) Ite(m) sal de voirs(creven) wyn
//
de(n) voirs(creven) janne sijn wyne omtrent loeven jaerlex wassende met/ sine(n) wage(n) en(de) p(er)den tot der woeni(n)ghen des voirs(creven) jans hale(n) ende/ vueren En(de) des gelijx sijn reven en(de) cortelinge(n) oec met sine(n) wage(n) en(de)/ p(er)de(n) halen de(n) t(er)mijn voirscr(even) duerende Ite(m) sal de voirs(creven) wyn de(n)/ voirs(creven) janne jaerlex de(n) voirs(creven) t(er)mijn duerende diene(n) met sinen/ wage(n) en(de) p(er)de(n) iiii daghe uutgenome(n) inde(n) oeghst en(de) inde(n) saettijt/ It(em) sal de voirs(creven) wy(n)ne den voirs(creven) janne jaerlex hie(re)n/ bynne(n) leve(re)n een halster erwiten tot kersmisse te betalen/ En(de) waert also dat de voirs(creven) wyn e(n)nige(n) scade name van orloghe/ oft va(n) ree tempeesten daer daer af sal de voirs(creven) jan den/ voirs(creven) wy(n)ne rastoer en(de) guetschinghe doen gelijc ande(re) he(re)n en(de)/ p(re)late(n) hae(re)n pachte(re)n va(n) gelike(n) doen selen bove(n) en(de) benede(n) Item/ sal de voirs(creven) wyn de voirs(creven) goede laten ten eynde vande(n) voirs(creven) t(er)mijn/ gelijc hi die vinden sal tot sine(n) aencome(n) En(de) alle dese vorw(er)de(n)/ punte(n) en(de) condicien bove(n) bescr(even) hebbe(n) geloeft de vors(creven) jan en(de)/ de wyn malcande(re)n vast en(de) gestedich te houde(n) en(de) te voldoen/ in alle d(er) manie(re)n en(de) forme(n) gelijc voirscr(even) steet en(de) telke(n)/ t(er)mijn alse v(er)volghde schout cor(am) calstr(is) gravio sept(embris) ix