SAL7720, Act: R°84.2 (35 of 123)
Search Act
previous | next
Act R°84.2  
Act
Date: 1426-10-16
LanguageNederlands

Transcription

2019-11-30 by 
Cond sij allen lieden dat wouter van testelt dieme(n) heet de sw(er)tveghe(re)/
lakenscherde(r) es come(n) voir scepen(en) van loeve(n) en(de) heeft genome(n) en(de) bekendt/
dat hi genome(n) heeft vande(n) p(ri)oer en(de) convent des godshuys van gruene(n)dael/
in zonien een boend(er) lants luttel min oft meer gelege(n) inde p(ro)chie van/
b(er)them tusschen de vuersche herstrate ald(aer) en(de) de(n) wijngart wouter/
reyniers te houde en(de) neve(n) [de] goede des cloest huys vand(er) banck en(de) bi/
de goede des cloesters [godshuys] vande(n) rodencloeste(r) te houden te hebbe(n) en(de) te wynne(n)/
van sente remeys misse naest voerleden ene(n) t(er)mijn van sesse jae(re)n lanc duere(n)de/
deen na dand(er) staphans volgende elx jaers daer en bynne(n) om een mudde/
rogs goet en(de) payabel met wa(n)ne en(de) met vede(re)n wel bereydt d(er) maten/
van loeve(n) alle ts(en)te andries misse apostels te betale(n) en(de) tot loeven/
te leve(re)n alle jae(re) de(n) voirs(creven) t(er)mijn duerende en(de) telke(n) t(er)mine alse v(er)volghde/
schout En(de) is vorw(er)de dat de voirs(creven) wouter de voirs(creven) goede late(n) sal/
ten eynde vande(n) voirs(creven) t(er)mijn gelijc hi die vant te sine(n) aencome(n) te/
weten mett(er) stoppel cor(am) oud(erogge) boys oct(obris) xvi
Contributors
Moderated bykristiaan magnus
Last update: 2012-03-06 by Inge Moris