It(em) jan haye in jegewordicheit d(er) scepen(en) van loeve(n) gestaen heeft gegeve(n) en(de)/ bekendt dat hi gegeven heeft wille(m)me pasteel briede(re) de ca(m)me des joncke(re)n/ rogiers van pyet(er)shem gelege(n) te leefdale [mette(n) scaerhout van ene(n) boend(er) bosch ald(aer) en(de) opte voer staende] te houde(n) en(de) te hebbe(n) van/ s(ent) remeys misse lest lede(n) ene(n) t(er)mijn van vier jae(re)n lanc deen na dand(er)/ d(aer) na sond(er) myddel volgende elx jaers daer in bynne(n) om elf/ hollantsche gulden va(n) goude goet en(de) gheve en(de) xxx mottoene/ te wete(n) xxxiiii l(i)b(ra) pay(ments) voe(r) ii vande(n) voirs(creven) mottoene(n) gerekent alle/ jae(re) hie(re)n bynne(n) te s(en)te remeys misse te betale(n) en(de) telke(n) t(er)mijn alse/ v(er)volghde schout m(et) alsulk(er) vorw(er)de(n) dat de voirs(creven) wille(m) de/ voirs(creven) ca(m)me metter ca(m)magien late(n) sal te sine(n) afscheyde(n) gelijc/ de voirs(creven) jan haye den voirs(creven) joncker rogier die geloeft heeft te laten/ sond(er) argelist ghelovende de voirs(creven) jan haye den voirs(creven) wille(m)me vand(er) voirs(creven)/ hueringhen altijt genoech te doen en(de) jege(n) ene(n) yegelike(n) recht warant te zijn/ den voirs(creven) t(er)mijn durende En(de) hier af sijn borghen des voirs(creven) willems/ alse p(ri)ncipael sculde(re)n ongesund(er)t en(de) ongescheyde(n) goert ve(re)noeden/ pet(er) coe(n)raet en(de) willem pasteel ty(n)nen potghiete(re) de welke/ de voirg(enoemde) wille(m) pasteel briede(re) hier af scadeloes [geloeft heeft] tontheffen/ cor(am) calstr(is) gravio ja(nuarii) xxviii
//