Cond sij allen liede(n) dat wouter thijs vand(er) nuw(er)capelle(n) [en(de) jan sijn sone sijn] es come(n) in jegen/ wordicheyt d(er) scepen(en) van loeven gestaen heeft [en(de) hebben] genome(n) en(de) bekendt dat si/ genome(n) hebbe(n) van janne roesele(re) van lynde(n) thof des voirs(creven) jans gelegen/ te slickenbeke in de p(ro)chie van sente marien tielt mette(n) bogarde(n) wynnende(n)/ lande(n) en(de) eeusele(n) en(de) met allen hae(re)n toebehoirte(n) gelijc de selve jan de voirs(creven)/ goede ald(aer) houdende es [uutgenome(n) dbosschelke(n) ald(aer) daer de voirs(creven) wouter gheen recht in hebbe(n) en sal] te houden te hebbe(n) en(de) te wynnen van half merte/ naest comende ene(n) t(er)mijn van neghen jae(re)n lanc deen na dand(er) stap/ hans volgende elx jaers daer en bynne(n) om acht mudde rogs goet en(de)/ payabel alsulc als opte voirs(creven) goede jaerlex wassen sal d(er) mate(n) van loeve(n)/ tsente andries misse apostels te betale(n) en(de) tot loeve(n) tot diest oft tot/ arschot daert den voirs(creven) janne best genuege(n) sal te leve(re)n alle jae(re) den voirs(creven)/ t(er)mijn duerende en(de) telke(n) t(er)mijn alse v(er)volghde schout En(de) is vorwerde dat/ de voirs(creven) wynne(n) bynne(n) de(n) lesten drie jae(re)n vande(n) voirs(creven) t(er)mijne negheen/ lant hoervruchten [en] sele(n) Ite(m) sal [selen] de voirs(creven) wynne(n) alle jae(re) de(n) voirs(creven) t(er)mijn
//
duerende een dachmael lants wel en(de) loflic merghele(n) gelijc sinen [hae(re)n]/ reengenote(n) Ite(m) sele(n) de voirs(creven) wynne(n) jaerlex int hof levere(n) ii[c] walme(re)/ de huysinghe ald(aer) mede te deckene en(de) alsme(n) die ald(aer) verdect plect/ oft ty(m)mert van ouden werke daer af sele(n) de voirs(creven) wy(n)ne(n) den/ wercliede(n) de(n) montcost gheven en(de) de voirs(creven) jan sal de dachhue(re)n betale(n)/ Ite(m) sele(n) de voirs(creven) wy(n)ne(n) jaerlex hie(re)n bynnen betalen alle de(n) tsijs uut/ de(n) voirs(creven) goede(n) gaende Ite(m) moghe(n) de voirs(creven) wynne(n) de trunceyke(n) ald(aer)/ ten behoudeliken tide(n) moge(n) truncke(n) uutgenome(n) inde leste drie jae(re) dan/ en sele(n) hise [sise] niet moge(n) truncke(n) mer die willigen ald(aer) moghe(n) de/ voirs(creven) wy(n)ne(n) ten behoirlike(n) tide moge(n) truncke(n) allen de(n) t(er)mijn duerende/ om de voirs(creven) goede d(aer) mede te beheyme(n) Ite(m) selen de voirs(creven) jan en(de)/ woute(re) [en(de) jan sijn soen] alle doeft dat jaerlex opte voirs(creven) goede wassen sal te/ gelijc lesen deylen en(de) hebben En(de) de selve wy(n)ne(n) sele(n) den vors(creven)/ janne sijn helecht te lynden leveren en(de) des sal [dan] de vors(creven) jan den/ voirs(creven) wy(n)ne en(de) de(n) ghene(n) diese brenghe(n) de cost gheve(n) sond(er) argeli/ Ite(m) sele(n) de [vors(creven)] wy(n)ne int voirs(creven) hof opt leste jae(re) vande(n) voirs(creven) t(er)mijn/ ene(n) nuwen wan laten Ite(m) sele(n) de voirs(creven) wy(n)ne(n) de voirs(creven) goede/ wel en(de) loflic wynne(n) en(de) werve(n) gelijc sine(n) [hae(re)n] reengenote(n) bove(n) ende/ beneden en(de) die laten ten eynde vanden voirs(creven) t(er)mine gelijc hier/ na volght dats te wete(n) vijf dachmael lants opte roestmans/ hoeve en(de) een half boend(er) opt cleynswanendal en(de) een hoefken/ neve(n) thuys houdende een dachmael besayt met wynt(er)coeren/ It(em) de storte omgedaen te wete(n) vijf dachmael op tolmaervelt/ en(de) aende(n) halensche(n) wech opt selve velt and(er)half dachmael/ en(de) noch opt selve [velt] and(er)half dachmael Ite(m) de brake sal de vors(creven)/ wyn geheel late(n) te wete(n) d thien [thiendalf] dachmael op tolmaervelt/ gelege(n) in vier stucke(n) welke vorw(er)de(n) punte(n) en(de) condicien/ bove(n) bescr(even) de voirs(creven) wyn hebbe(n) geloeft [ongesundert en(de) ongescheyde(n) de(n) vors(creven) ...] vast en(de) gestedich te/ houde(n) en(de) te voldoen in alle d(er) voege(n) en(de) forme(n) bove(n) bescr(even)/ en(de) telke(n) t(er)mijn alse v(er)volghde schout En(de) des es burghe des/

vors(creven) wouters alse p(ri)n(cipae)[le] sculd(ere) jan thijs sijn sone lynd(en) ouder(ogghe)/ junii v
//