Cond sij allen dat jan mozevoet van conticke in jegenwordich(eyt) d(er) scepen(en)/ van loeve(n) gestaen heeft genome(n) en(de) bekendt dat hi genome(n) heeft vande(n)/ p(ri)oer en(de) convent des godshuys van gruenendael in zonien [en(de) v] seven/ boender onder lant beemde eeusele en(de) heyde [gehete(n) de goede van papendonc] gelijc die goede gelege(n)/ sijn inde prochie van conticke ter stat gehete(n) den haeck te en(de) die/ de(n) selve(n) janne ald(aer) bewijst sijn te houden te hebbe(n) en(de) te wynne(n) van/ half merte naest comende ene(n) t(er)mijn van vi jae(re)n lanc deen na dander/ d(aer) na staphans volgende elcs jaers daer en bynnen [om] thien oude rijnssche/ gulden(en) van goude goet en(de) gheve en(de) om seven veerdelen rogs [en(de) een half] goet/ en(de) payabel [m(et) wa(n)ne en(de) m(et) vede(re)n wael bereydt] d(er) mate(n) van mechelen en(de) om vier capuyn alle jae(re) den/ voirs(creven) t(er)mijn duerende tot kerssavonde te betalen en(de) tot mechelen te/ leve(re)n [de(n) vors(creven) p(ri)oer of brueder gielise vande(n) broeke convers des selfs godshuys ocht e(n)nige(n) van hen bringhe(re) des briefs] en(de) telke(n) t(er)mijn alse vervolghde schout Ite(m) es vorwerde dat de/ voirs(creven) wyn jaerlex betale(n) sal alle de(n) tsijs [en(de) co(m)mer] uut de(n) voirs(creven) goede(n) gaende/ en(de) oec uut ene(n) boend(er) boschs d(aer) neve(n) gelege(n) toebehoe(re)nde de(n) godshuyse [vors(creven)]/voirscr(even) d(aer) de selve jan gheen recht in hebbe(n) en sal uutgenome(n) tshe(re)n uu sond(er) cost [oft] scade des voirs(creven) godshuys en(de) sond(er) afslach der rente(n) voirscr(even)/ uutgenome(n) tshe(re)n core die tvoirs(creven) godshuys selve draghen sal en(de) en/ sal de voirs(creven) jan gheen recht hebben int boend(er) bosch staphans voirscr(even)/ Ite(m) en sal noch en mach de voirs(creven) jan gheen opgaende hout opte voirs(creven)/ goede staende afhouwe(n) mer hi mach die hoden te struncbomen en(de)/ alle struncboeme truncke(n) en(de) alle dweechout sal hi moge(n) houwen/ en(de) truncke(n) alsoet hem gelieft om de voirs(creven) goede en(de) daer mede/ beheyme(n) en(de) luke(n) de goede voirscr(even) tgoets meeste(n) p(ro)fijte uutgenomen/ dat hi inde leste drie jae(re) vande(n) voirs(creven) t(er)mijn half de truncgheerden/ opte voirs(creven) goede [sal] late(n) staende drie jae(re) out en(de) dander helecht/ een jaer out En(de) alle dese vorw(er)de(n) en(de) punte(n) voirscr(even) heeft/ geloeft de voirs(creven) jan de(n) p(ri)oer en(de) godshuyse voirscr(even) wel en(de) volcomel(ic)/ te houde(n) en(de) te voldoen in alle der vuege(n) en(de) manie(re)n gelijc vorscr(even) steet/ en(de) telke(n) t(er)mijn alse v(er)volghde schout En(de) hier af is burghe des/ vors(creven) jans alse p(ri)ncipael schuld(er) ongesund(er)t en(de) ongh jan zomer sijn/ swag(er) wonende inde p(ro)chie van lyere de(n) welke(n) de voirs(creven) jan/ mozevoet heeft geloeft hier af scadeloes te houde(n) en(de) co(m)merloes/ tontheffen calstr(is) boys oct(obris) xiiii
//