Condt sij eenen yegeliken dat nijs boys nu t(er)tijt scepen(en) van loeven(en)/ in deen zijde en(de) jan de juede in dander in jegenwordich(eyt) d(er) scepene(n)/ van loeven(en) gestaen hebben gewillecoirt geconsenteert en(de) sijnre een/ drechtelic ingegaen van alsulker steyne(n) mueren als steet tusschen/ hue(re) beyder erve(n) gelegen opte vischmarct tusschen de goede des voirs(creven)/ jans de juede t(er) vischmarct wart en(de) de goede des voirs(creven) nijs t(er) scep/ strate(n) wart hoewael dat den voirs(creven) steyne(n)muer nu den voirs(creven) dyonise/ en(de) janne de juede gelijc toebehoirt dat nochtan op dese tijt de voirs(creven)/ jan de juede opten voirs(creven) muer alleen opmetsen mach en(de) geboeret d(aer) na/ dat de voirs(creven) dyonijs op sijn erve opty(m)me(re)n woude dat hij dan met sine(n)/ balken en(de) ty(m)meringhen inden voirs(creven) muer soude moghen vae(re)n en(de) ty(m)me(re)n/ also verre als dat behoiren soude sonder argelist cor(am) gravio oud(erogge)/ oct(obris) xvi
//