Lieve en(de) zee(r) gemynde he(re) de rentm(eeste)r onss genedichs he(re)n van braba(n)t bynne(n)/ sijnre stat van loeven heeft ons gethoent ene(n) brieff daer in [de] gnaden onss genedich/ he(re)n vors(creven) hem bevelen dat hi den abt en(de) co(n)vent des [sijns] godshuys van vliederbek/ woude(n) ov(er)gheve(n) de slotele van sine(n) huyse van vliederbeke bynne(n) sijnre/ stat van loeve(n) staende [gelege(n)] en(de) hem des selfs huys van sijnre gnaden/ wege(n) peysselic doen gebruyken [om hen daer in te wone(n)] alsoe lange als den selve(n) sinen gnaden des/ genuegen sal En(de) lieve he(re) [En(de)] want [lieve he(re)] hier en bove(n) bi [nu bi] ons come(n) sijn die abt en(de)/(con)vuent vors(creven) thoenende dat ghi hen bove(n) d dbevele des vors(creven) onss gened(ichs)/ he(re)n ontseeght hebt meynende hen vyantscap te doen om dat si int/ vors(creven) huys wed(er)getogen sijn des ons van u lieve he(re) niet wael te synne/ come(n) en can gemerct dat wij tot heer toe van u van geliken van u/ niet v(er)nome(n) en hebben u oec ganslic getruwende dat ghi u van des/ vors(creven) is wael suelt gevreedt laten u te recht en(de) wael geinformeert/ sijnde Uut den welken wij lieve he(re) tot uwe(n) edelheide(n) en(de) besunde(re)n/ liefden scrive(n) den selve(n) van redene(n) en(de) ba besceits se(re) wegen see(r) truwelic/ en(de) vriendelic biddende dat ghi den vors(creven) ghi u gelieve(n) wille aensiende/ dbevele onss genedichs he(re)n vors(creven) [dat hi sijn gnaden sond(er) groet redene niet gedaen en hebbe(n)] den vors(creven) abt en(de) co(n)vent int vors(creven) huys/ rustelic en(de) ongeveed laet wone(n) op de vueghe vors(creven) lieve he(re) u alsoe/ besceidelic hier in bewisende gelijc wij ons des in u ganslic getruwe(n)/ en(de) dat hen gheen noet en si dat vorde(r) te v(er)volghe(n) daer toe wij/ hen ten eynde na dat si onse porte(re)n en(de) onderseten sijn van eeds/ wegen behulp soude(n) moete(n) doen hoe wael wij des liev(er) af wesen soude(n)/ En(de) wes uw(er) goed(er) meyninge(n) hier af wesen sal daer af bidden wij u/ ons uwe guetlic bescreve(n) antworde wed(er) te laten weten Onse lieve/ he(re) god si met u