SAL7720, Act: V°195.4-R°196.1 (74 of 123)
Search Act
previous | next
Act V°195.4-R°196.1  
Act
Date: 1427-01-23
LanguageNederlands

Transcription

2020-01-11 by Kristiaan Magnus
Cond sij allen liede(n) dat henric vand(er) varent diemen heet van/
vileer wout(er) oliviers van meldert en(de) jan saveys in jege(n)wordich(eyt)/
d(er) scepen(en) va(n) loeve(n) gestae(n) hebbe(n) geloeft ongesund(er)t en(de) ongescheide(n) en(de)/
elc voe(r) al alse p(ri)ncipael sculde(re)n h(ere)n danele van zonuwe(n) bide(n)/
gestaden gods abdt des godshuys van everbode h(ere)n henricke/
lodewijcs proefst en(de) h(ere)n arnde van lu(m)men bacmeest(er) des/
godshuys van everbode voirs(creven) en(de) diericke(n) de mold(ere) of e(n)nige(n)/
van hen bringhe(re) des briefs alse vande(n) goeden tsijs pacht en(de)/
renten des voirs(creven) godshuys gelijc tselve godshuys die houde(n)de/
es te meld(er)t te thiene(n) te hugarde(n) te zittert te bevekeem
//
te heymoniez te ghete te ezemale te chamont te grymde te hakendove(re)/
te goetsenhove(n) te heyleshem te sente jans gheest te donghelb(er)ghe en(de)/
te seynvile welke goede chijs pacht en(de) rente(n) de voirs(creven) henric vand(er) varent/
genome(n) heeft vande(n) voirs(creven) mijn h(ere) de(n) abdt en(de) sijn convente va(n) ev(er)bode/
voirs(creven) gelijc de co(m)missie die de voirs(creven) henric vand(er) varent d(aer) af vande(n)/
voirs(creven) abdt heeft volcomelic begrijpt en(de) inhoudt te houde(n) en(de) te hebben/
van sente andries misse apostels lest voerleden ov(er) een jaer om/
sessen(de)dertich mudde en(de) een half tarwen tsestich mudde en(de) twee halster/
weyssincs sesse mudde en(de) drie halster rogs en(de) vijf mudde evene(n) al dat/
coren goet en(de) payabel d(er) maten van loeve(n) sevenen(de)tsestich schillinge en(de)/
elf pe(n)ninghe out tsijs gelijc de h(er)toge van brabant van sine(n) tsijse inde(n)/
voirs(creven) dorpen heffende is elf schillinghe burseghelts neghenen(de)dertich capuyn/
twee hollantsche gulden(en) en(de) ene(n) halven acht sympel mottoene en(de) twee/
rijnssche gulden goit en(de) gheve te sente mertens misse inde(n) wynt(er) te/
betale(n) en(de) te thienen of awayns te leveren alse vervolghde schout En(de)/
hier af heeft geloeft de voirs(creven) henric den voirs(creven) woute(re)n oliviers/
en(de) janne saveys hier af scadeloes te houde(n) en(de) tontheffen borch(oven)/
calstr(is) januarii xxiii
ContributorsInge Moris , Greet Stevens
Moderated bykristiaan magnus
Last update: 2012-03-20 by Inge Moris