Ite(m) de scepen(en) van gheele ten bevele en(de) v(er)sueck d(er) stat van/ loeven hebbe(n) geset onder jan gielijs der stat wissele(re) va(n) loeven/ de so(m)men en(de) de paymente(n) van ghelde hier na bescreve(n)
//
Inde(n) yersten xxiiii rijnsch gulden xxix cronen licht(er) mu(n)ten va(n) goude/ ene(n) nuwe(n) nobel g bergoensch(er) mu(n)ten xii will(el)mus schilde vii beyers/ gul(den) vii arnhemsche gulden ii pont ii schillinghe brabants ghelts/ iii cro(m)stertten Item xiii gripen xxxvii placke(n) in thuynen/ viii grypen xiiii pl(a)c(ken) in alrehande ande(re)n paymente Ite(m) noch/ vii rijnssche gulden(en) xxii(½) placke(n) Ite(m) vijf gripen xxxvi placke(n)/ in botdreghers Ite(m) c xii(½) placke(n) van overbate(n) dat alle dit/ ghelt voirscr(even) meer droegh op dese tijt dan daer tvoirs(creven) ghelt/ voer geset was welc ghelt al voirscr(even) onder de voirs(creven) scepen(en) van/ gheele geleeght en(de) geset was vanden kijnde(re)n vand(er) haghen tot behoef/ gielijs raes ende sijns wijfs om de(n) selve(n) kijnde(re) daer mede af te/ lossen alsulke(n) x mudde(n) rogs als wout(er) van herle en(de) m(ar)griet sijn/ wijf de(n) voirs(creven) gielise raes in huwelik(er) vorw(er)de(n) gegeven hadde(n)/ staende tot ter lossinghe(n) op de goede der selv(er) kijnde(re) vand(er) haghen/ en(de) is dit ghelt tot des(er) meyninghe(n) ind(er) stat wissel van loeve(n) bracht/ om onse(n) gened(igen) he(re) van brabant sijnre stat van loeve(n) en(de) m(ijnen) vrouwen/ van merre en(de) oec der vriheyt van ghele van hae(re)n cesse verricht/ te werde(n) vande(n) voirs(creven) gielise van dat hi hem daer jege(n) misdrage(n)/ en(de) mesgrepe(n) heeft Dits geschiet ind(er) stat rade van loeve(n) opten/ xiiii dach van merte anno m[mo] cccc[mo] xxvi[to]