SAL7721, Act: V°2.1 (1 of 208)
Search Act
previous | next
Act V°2.1  
Act

Transcription

2012-02-27 by Michiel van Wijngaarden
Condt zij allen lieden dat mychiel madee in jegenwordicheyt d(er)/
scepe(ne)n van loeve(n) gestaen heeft gegeve(n) en(de) bekendt dat hi gegeve(n) heeft/
janne kutten van haeght thof des voirs(creven) mychiels te sconenberghen/
gelege(n) inde p(ro)chie van haeght mette(n) huyse(n) hove(n) beemden euselen en(de) mette(n)/
duyfhuyse daer toe horende te houde(n) en(de) te hebbe(n) uutgenome(n) thuys opte(n)/
berch mett(er) ned(er)ster zale(n) de schuere mette(n) stalle en(de) uutgenome(n) de wate(re)/
aldaer te houde(n) en(de) te hebben van kersmisse naest voerleden ene(n) t(er)mijn/
van sesse jae(re)n lanc deen na dand(er) staphans sond(er) myddel volgende elx/
jaers daer en bynne(n) om achten(de)veertich gulden crone(n) d(er) mu(n)ten skoninx/
va(n) vrancrijc goet va(n) goude en(de) swaer va(n) gewichte alle jae(re) de(n) voirs(creven)/
t(er)mijn duerende tot kersmisse te betale(n) en(de) telke(n) t(er)mijne alse v(er)volghde schout/
Ite(m) sal de voirs(creven) wyn voe(re) tvoirs(creven) duyfhuys jaerlex [hie(re)n en bynnen] de(n) voirs(creven) mychielen/
gheve(n) twelf kesen Oec sal de voirs(eide) wyn jaerlex de(n) voirs(eide) wy t(er)mijn/
duerende int voirs(eide) hof leve(re)n neghenen(de)twintich mandelen stroes [walms] goet/
en(de) cusbaer om de huysinghe ald(er) mede te decken En(de) alsmen aende voirs(creven)/
huysinge yet decke(n) oft plecke(n) sal d(aer) af sal de voirs(creven) wyn de(n) wercliede(n) den/
montcost geve(n) en(de) de voirs(creven) mychiel sal de dachhue(re)n betale(n) Noch sal de/
voirs(creven) wyn voe(r) elke verdroeghde willighe die hi afhouwen sal twee/
poten wed(er) sette(n) It(em) sal de voirs(creven) wyn de leydegrecht hier en bynne(n) alst/
te doen is vaghe(n) en(de) ruyme(n) op sijns selfs cost Ite(m) sal de voirs(creven) wyn/
de truncboem beyde willige(n) en(de) eyke te(n) behoirlike(n) tide moge(n) truncke(n) en(de)/
vijfen(de)twintich poten op de voirs(creven) goed dan jaerlex wed(er) sette(n) Ite(m) de/
voirs(creven) wyn sal de voirs(creven) beemde(n) [goede] bynne(n) den lesten twee jae(re)n vande(n) vors(creven) t(er)mijn/
niet moge(n) breke(n) noch besayen mer die gheheel en(de) ongewonne(n) laten/
Oec sal de voirs(creven) wyn de huysinghe ald(aer) houden vand(er) underster/
rikele(n) ned(er)wart in goede(n) state(n) Ite(m) sal de voirs(creven) wyn de voirs(creven) goede/
wel en(de) loflic ten eynde vande(n) voirs(creven) t(er)mijn bevreedt late(n). En(de) is vor/
w(er)de dat de voirs(creven) wyn op dat hem genueght ten halve(n) tide afscheyde(n)/
sal moge(n) en(de) dat de(n) voirs(creven) mychiele(n) een jae(re) te vore(n) late(n) weten/
En(de) hier af sijn burghe(n) des voirs(creven) jans kutten alse p(ri)ncipael/
sculde(re)n ongesundert en(de) ongescheide(n) willem rabjoes van heyst/
jan mertens van haeght gheert de grote van groetloe en(de)/
arnt smedekens van haeght de welke de voirs(eide) jan kutten/
geloeft heeft hier af scadeloes te houde(n) en(de) co(m)merloes ontheffen/
rike vroede junij xxvj vurw(er)den punte(n) [ende (con)dicien] bove(n) bescr(even) de voirs(creven) wyn heeft geloeft de(n) vors(eide) mychiele(n)/
.....? te houde(n) en(de) te voldoen in alle d(er) vueghe(n) en(de) manie(re)n bove(n) bescr(even)
ContributorsMarika Ceunen
Moderated byMarika Ceunen
Last update: 2015-07-22 by Sven Meeus