SAL7721, Act: R°137.1 (84 of 208)
Search Act
previous | next
Act R°137.1  
Act

Transcription

2020-06-15 by kristiaan magnus
It(em) goert m(er)selijs van willenbringe(n) in jegenwordicheyt der scepen(en) van loeven(e)/
gestaen heeft genome(n) en(de) bekindt dat hij genome(n) heeft van he(re)n janne/
van dorp proefst sgodshuys van vliederbeke [inde(n) name en(de) va(n) wege(n) des selfs goidshuys] den schoef en(de) de wynnende/
lande toebehoe(re)nde den voirs(creven) godshuyse gelijc tselve [tvoirs(creven)] godshuys dat/
inde prochie van willenbringe(n) houdende es en(de) jacob van meensele/
dat gehouden heeft Te houden te hebben en(de) te wynne(n) van halfmerte/
lestleden eene(n) t(er)mijn van xii jae(re)n lanc deen na dand(er) sonder middel/
volgende elx jaers daerenbynne(n) om xxvii mudde rogs goit/
en(de) payabel met wa(n)ne en(de) met vlogele wael bereit pacht van wille(n)-/
bringe(n) der mate(n) van thiene(n) Te wete(n) vi halst(er) [d(er) selv(er) mate(n)] voe(r) [elc] dmudde [vors(creven)] gereke(n)t/
te sent andries misse apostels te betale(n) en(de) te loeven(e) [willenbringe(n)] te leve(re)n/
alle jae(re) den voirs(creven) t(er)mijn dueren(de) en(de) telke(n) t(er)mijn als vervolghde/
schout En(de) es vorwerde datme(n) den voirs(creven) goerde m(er)celijs voe(r)/
dat hij des voirs(creven) godshuys meye(r) te willenbringe(n) es en(de) hue(re)n chijs/
en(de) recht ald(aer) heft en(de) verwaert alle jae(re) den voirs(creven) t(er)mijn duer(ende)/
een mudde rogs van sine(n) pacht afslaen sal en(de) sal de selve/
goert de voirs(creven) lande laten te sine(n) afscheyden gelijc hij die vonden/
heeft te sine(n) aencome(n) Hier af sijn burge(n) des voirs(creven) gords m(er)selijs/
als principale sculde(re)n ongesundert en(de) ongesceyd(en) gort m(er)selijs sijn/
zone en(de) jacob m(er)selijs sone jans wilen m(er)selijs et p(ri)m(us) cor(am) lomb(ar)t/
velde dec(embris) p(ri)ma
ContributorsKarel Embrechts
Moderated byKarel Embrechts
Last update: 2012-08-30 by Sabrina Keyaerts