Cond zij allen lieden dat willem de gheyse(re) becke(r) heeft geloeft janne va(n) heve(re)n/ acht dusent mutsarts en(de) twe vieren(de)tsestich wissen houts goet en(de) payabel/ d(er) maten en(de) lengden van loeve(n) te weten een dusent mutsarts en(de) acht wissen/ houts d(aer) af van sent jans missen bap(tis)[ten] naest comende ov(er) een jae(r) d(aer) na/ sond(er) myddel volgende en(de) een dusent mutsarts en(de) acht wissen houts d(aer)/ af tsente jans misse bap(tis)[te(n)] d(aer) na sond(er) myddel [staphans] volgende en(de) so voert/ aen alle jae(re) d(aer) na sond(er) myddel volgende tot elken ts(en)te jans misse/ bap(tis)[te(n)] een dusent mutsarts en(de) acht wissen houts d(aer) af te betale(n)/[en(de) bynne(n) and(er)halven milen na d(er) stat van loeven te leveren] tot d(er)re tijt toe dat de schout voirs(creven) geheellic en(de) al betaelt sal/ sijn en(de) telken t(er)mijn en(de) alse v(er)volghde schout En(de) om d(er) meerd(er)/ sek(er)heyt de(n) voirs(creven) janne van heve(re)n vand(er) voirs(creven) schout te doen so/ heeft de voirs(creven) willem de gheyse(re) tond(er)pande gesett [verbonden met orlove tshe(re)n vande(n) gronde] in tytele van gerecht(ighe)/ ond(er)pande een vierdel wijngart luttel min oft meer gelege(n) te wiltsele/ benede(n) de(n) hunne(n)berch tussche(n) de goede henrics van he(re)nt en(de) [de goede] everarts vand(er) oud(er)bor(ch) / lomb(ar)t vroede f(ebruarii) xi