Cond sij allen lieden dat willem strobant sone gielijs strobant/ van nossegheem in jegenwordicheyt d(er) scepen(en) van loeve(n) gestaen/ heeft genome(n) en(de) bekendt dat hi genome(n) heeft van h(ere)n janne vande(n)/ zijpe prieste(r) proefst des godshuys van corthenake(n) cortenb(er)ghe inde(n)/ name en(de) van wege(n) des selfs godshuys de thiende van nossegheem/ toebehorende den voirs(creven) godshuyse gelijc en(de) also v(er)re als de voirs(creven)/willem gielijs strobant die ald(aer) gehouden heeft Te houden/ / te hebben en(de) in te doen van sente jans misse bap(tis)[te(n)] nu naest come(n)de/ ene(n) t(er)mijn van neghen jae(re)n lanc deen na dand(er) d(aer) na staphans sond(er)/[myddel] volgende elx jaers daer en bynne(n) om vier mudde tarwe(n) negenthien/ mudde(n) rogs en(de) drieen(de)twintich mudde evene(n) al goet pacht coren/ wael bereyt met wa(n)ne en(de) met vlogele(n) d(er) mate(n) van loeve(n) En(de) om/ twee mudde(n) tarwe(n) sesse mudde rogs twee mudde gherste(n) drie/ mudde evene(n) en(de) drie zister erwiten oec goet en(de) payabel der mate(n)/ van bruessel al te sente remeys misse te betale(n) de(n) voirs(creven) proefst/ tot behoef des voirs(creven) godshuys en(de) te levere(n) te wete(n) de voirs(creven)/ vier mudde tarwe(n) neghen mudde rogs en(de) xiii mudde evene(n) d(er)/ mate(n) van loeven int cloest(er) van he(re)n p(er)ke bi loeven en(de) de voirs(creven) twee/ mudde tarwen vi mudde rogs twee mudde gherste(n) iii mudde evene(n)/ en(de) drie zister erwite(n) d(er) mate(n) van bruessel de(n) p(ro)chiaen van nossegheem/ te sijnre woenstat En(de) de voirs(creven) ande(r) thien mudde rogs en(de) thien/ mudde evene(n) d(er) mate(n) van loeven int voirs(creven) godshuys va(n) cortenb(er)ghe/ alle jae(re) de(n) voirs(creven) t(er)mijn duer(ende) en(de) telke(n) t(er)mine alse v(er)volghde schout En(de)/ op also dat de voirs(creven) willem bynne(n) den voirs(creven) t(er)mijn gheven sal neghen/ geheel pacht en(de) sal de voirs(creven) willem alle jae(re) de(n) vors(creven) t(er)mijn/ duer(ende) vande(n) voirs(creven) thiende(n) leve(re)n de(n) p(ro)chiaen van nossegheem voirs(creven)/ vijfthien mandele(n) roggen [zomer]stroes en(de) vijfthien mandele(n) wynt(er)stroes/ ten tide daer toe behoirlic en(de) telken tide alse v(er)volghde schout/ Hier af sijn burge(n) des voirs(creven) willems alse p(ri)n(cipae)[le] sculde(re)n onges(undert)/ en(de) ongescheyde(n) gielijs strobant sijn vad(er) vors(creven) en(de) daneel/ strobant brued(er) des voirs(creven) willems de welke de voirs(creven) wille(m)/ heeft geloeft hier af scadeloes te houde(n) en(de) tontheffen/ rike absoloens junii xvii