SAL7721, Act: V°141.3-V°142.1 (88 of 208)
Search Act
previous | next
Act V°141.3-V°142.1  
Act

Transcription

2020-06-13 by kristiaan magnus
Cond zij allen lieden dat willem van molle sone boudewijns wile(n)/
van molle van winczele es come(n) in jegenwordicheyt d(er) scepen(en) van/
loeve(n) en(de) heeft genome(n) en(de) bekendt dat hij genome(n) heeft van henricke/
van winczele thof des selfs henrics gelege(n) te winczele mette(n) huyse(n) hove(n)/
en(de) wynnende(n) lande(n) daer toe horende uutgenome(n) de zale int selve hof/
staende mett(er) came(re)n en(de) torre en(de) hae(r) toebehoirte(n) en(de) mette(n) duyfhuyse/
huysinge schue(re)n en(de) stalle te gade(r) mette(n) pryele aende zale en(de) coelhove/
aende porte gelege(n) de welke de selve henrick tot hemw(er)t behoude(n) heeft/
Te houde(n) te hebben en(de) te wynne(n) van half merte naest comende ene(n) t(er)mijn/
van ix jae(re)n lang deen na dand(er) staphans volgende elcs jaers dae(re)n bynne(n)/
om vijftich mudde rogs drie mudde tarwen een half mudde gruend(er)/
erwite(n) en(de) een zister raepsaets elcs greyns goet en(de) payabel met wa(n)ne/
en(de) met vede(re)n wael bereydt d(er) maten van loeve(n) te sente andries misse/
apostels te betale(n) en(de) tot loeven ten huyse des voirs(creven) henrics dte levere(n)/
alle jae(re) de(n) voirs(creven) t(er)mijn due(re)nde en(de) telken t(er)mine als vervolghde schout Ite(m)/
sal oec hebben de voirs(creven) wynne een eeusel gehete(n) tgroot coyeeusel/
gelege(n) te winczele aende specstrate mette(n) beemde geheten de lake/
daer aen ghelegen en(de) ene(n) halve(n) boender beemds gelege(n) aldaer aenden/
calstermorter inde gemeyn beemde tegade(r) met drie dachmale(n) eeussels/
gelege(n) aldaer aende stoct neve(n) de goede jan sceep en(de) oec met/
twee boende(re)n eeusels of daer omtrent gehete(n) de stoct en(de) de(n) voirs(creven)/
henrick dair af alle jae(re) de(n) voirs(creven) t(er)mijn duerende te sente mertens/
misse inde(n) wynter te betale(n) als vervolghde schout thien vrancrijcsche/
crone(n) goet van goude en(de) swaer van gewichte en(de) drie rijnssche gul(den)/
/ van goude goet en(de) gheve Ite(m) sal de voirs(creven) wynne de huysinge vande(n) voirs(creven) hove/
houden wel en(de) loflic vand(er) underster rikelen ned(er)wart Oec sal de selve wyn/
jaerlex leve(re)n tachtentich goeder cusberre mandele(n) walme(re) en(de) de voirs(creven) henric twintich/
om de huysinghe voirs(creven) mede te decken en(de) alsme(n) die ald(aer) verdect so sal de wyn de(n)/
werclieden den montcost gheven en(de) henric de dachhue(re)n betale(n) Ite(m) sele(n) de voirs(creven)/
wyn en(de) henric hebben half en(de) half alle doeft dat jaerlex inden bogart/
vande(n) voirs(creven) hove wassen sal Uutgenome(n) de grassijn peere(n) aldaer stae(n)de/
en(de) blandereele de welke de voirs(creven) henric alleen hebbe(n) zal en(de) dat te gelike/
op hae(re)n cost ter erde(n) leve(re)n uutgenome(n) dat de wynne den lesers die henric/
daer setten sal den cost sal gheve(n) en(de) dan sal de selve wyn henric helecht/
op sine(n) cost voert te loeven leve(re)n En(de) is vorwerde dat de voirs(creven) wynne/
inde(n) voirs(creven) bogart gheen tijt vande(n) jae(re) gheenrehande beesten doen en sal/
dan scape oft calve(re) en(de) den selve(n) bogart also bevreden datt(er) nyemants and(er)s/
beesten inne en come(n) die henricke aen sijn boeme ald(aer) oft and(er)s scade doen/
mochte(n) in e(n)nig(er) manie(re)n Ite(m) sal de voirs(creven) wyn de(n) voirs(creven) henricke houde(n) ende/
vueden alle jae(re) twee verkene en(de) die verwae(re)n gelijc de(n) sine(n) eest datse/
henric hem levert Voert sal de voirs(creven) wyn henricke(n) jaerlix te loeve(n) leve(re)n/
stroysels genoech tot twee p(er)de(n) en(de) dair af sal de wyn dmest hebbe(n) en(de)/
dat vueren opt voirs(creven) lant slant meesten p(ro)fijt Ite(m) sal de voirs(creven) wy(n)ne jairlix/
hale(n) en(de) leve(re)n alle de(n) leem dieme(n) int voirs(creven) hof behoeve(n) sal Oec sal de wyn/
henricke jaerlix te wijntide alle sijn wijne tot loeve(n) tot sine(n) huys levere(n)/
en(de) henrics wijngarts stake(n) jaerlex ten tide als dat behoert halen daerse/
henric sal copen en(de) die vue(re)n op henrics wijngart en(de) dan die oude stake(n)/
reeven en(de) hout vande(n) selve(n) wijngarde comende weder vue(re)n en(de) leve(re)n te loeve(n)/
ten huyse des selfs henrics Ite(m) sal de selve wyn jaerlex ten behoirlike(n) tide/
moge(n) truncke(n) alle truncboeme opte voirs(creven) goede staende en(de) alle v(er)droeghde/
boeme afhouwen en(de) hebbe(n) en(de) daer voe(r) jaerlix xxv cusbaerre [goeder] poten wed(er)/
setten Oec sal de wyn de haghen aldaer als noet es doen legghen en(de)/
daer voe(r) hebbe(n) en(de) te hemw(er)t nemen de(n) afval Voert es vorwerde dat/
de voirs(creven) wynne alle jae(re) vande(n) voirs(creven) lande een half boend(er) dats meests/
behoeven sal wel en(de) loflic sal ov(er)mergele(n) Ite(m) sal de voirs(creven) wyn de/
voirs(creven) goede sine(n) voirs(creven) t(er)mijn lang [duerende wynne(n) en(de) hante(re)n wel en(de) loflic gelijc sine(n) reengenote(n) bove(n) en(de) benede(n) en(de) die te(n) eynde vande(n) selve(n) t(er)mijne wel en(de) loflic gewonne(n) en(de)] gehanteert laten gelijc hi die vant/
sinen aencome(n) te wete(n) de storte eens o(m)megedaen en(de) de brake geheel/
Voert es vorw(er)de dat de voirs(creven) wynne alle stroe en(de) vuesteringhe(n)/
jaerlex vande(n) voirs(creven) goede(n) comende vue(re)n sal int voirs(creven) hof en(de) dat ald(aer)/
etten en(de) sliten met sine(n) beesten en(de) te meste make(n) en(de) dmest ten behoirlike(n)/
tide wed(er) uut vue(re)n opt voirs(creven) lant slants meesten profijte/
/ Oec sal de wyn te sine(n) twee leste(n) jae(re)n gheen lant moge(n) hoervruchte(n)/
noch oec te sine(n) leste(n) jae(re) gheen storte moge(n) mesten Ite(m) sal de voirs(creven)/
henric jaerlex bynne(n) den voirs(creven) hove moge(n) houden lopende op sine(n) cost/
sijn capuyne [no sc(ri)ba in iste face(re)] sond(er) yemants wed(er)segge(n) Voert is vorw(er)de dat de/
wyn de vors(creven) goede de(n) voirs(creven) t(er)mijn duer(ende) wel en(de) loflic bethune(n) begrech/
te(n) en(de) bevrede(n) sal en(de) die [ten eynde] vande(n) selve(n) t(er)mijn wel en(de) lof bethuyt begricht/
en(de) bevreedt late(n) Ite(m) sal oec de wynne m(ijn) joffr(ouwe) henrics wive jaerlex/
opte voirs(creven) goede sayen een halster lijnsaets gelijc de(n) sine(n) op also dat/
m(ijn) joffr(ouwe) hem den zaet levere en(de) dat oec te(n) tide als dat behoert/
gelijc de(n) sine(n) afdoen en(de) hante(re)n En(de) gevielt also dat god v(er)huede dat/
int voirs(ceven) hof bynne(n) de(n) voirs(creven) t(er)mijn e(n)nige(n) scade gesciede van brande/
vande(n) wyn of van swynne(n) wegen so is gevorwardt en(de) ond(er)/
sproke(n) dat henric sijn scade die hem d(aer) af q(ua)me selve lide(n) en(de) drage(n)/
soude en(de) de wyn de zijne en(de) des soude de wynne henricke gheven/
en(de) betale(n) ter stont alse geschiet wae(r) hondert rijnssche gulden en(de)/
niet meer En(de) alle dese vorw(er)den [punte(n) (con)dicie(n) bove(n) bescr(even) heeft] en(de) gelufte(n) hebbe(n) geloeft de vors(creven)/
[wyn de(n) vors(creven) henr(icke) wel en(de) volcomelic te houde(n) en(de) te voldoe(n)]henric in deen side en(de) de wyn in dande(re) malcande(re)n vast en(de) ghe/
stedich te houden en(de) te voldoen
tallen tiden en(de) terminen als/
si vallen en(de) verschinen selen en(de) telke(n) t(er)mine alse v(er)volghde schout/
En(de) hier af sijn burghe(n) des voirs(creven) willems alse p(ri)ncipael sculde(re)n/
ongesundert en(de) ongescheide(n) jan wasschart dieme(n) heet oem/
lambrecht lambrechts van winczele willem vekema(n) van/
velthem en(de) willem van yssche wonende tot loeve(n) opte biest/
de welke de voirs(creven) willem heeft geloeft hier af/
scadeloes en(de) co(m)merloes te houde(n) en(de) tontheffen Hier wae(re)n/
ov(er) henric de vroede en(de) arnt vande(n) velde/
scepen(en) va(n) loeven gegeve(n) ix daghe in decembri/
anno m[mo] cccc[mo] xxvii
ContributorsKarel Embrechts
Moderated byKarel Embrechts
Last update: 2012-08-30 by Sabrina Keyaerts