SAL7721, Act: V°329.5-R°330.1 (195 of 208)
Search Act
previous | next
Act V°329.5-R°330.1  
Act

Transcription

2020-05-01 by kristiaan magnus
It(em) gelinus d(i)c(t)us lemans van rillaer in jegenwordicheyt d(er)/
scepen(en) van loeven gestaen heeft genome(n) en(de) bekendt dat hi/
genome(n) heeft van joffr(ouwe) lijsbette(n) weduwe gheerts wile(n)/
vanden passche de goede der selv(er) joffr(ouwe) lijsbette(n) gelege(n)/
inde p(ro)chie van meylhem in huyse(n) hove(n) [en(de)] wynnende(n) landen en(de)/
met alle(n) sine(n) toebehoirte(n) gelijc de voirs(creven) joffr(ouwe) lijsbeth de/
voirs(creven) goede ald(aer) houdende es Te houde(n) te hebbe(n) en(de) te/
wynnen van half merte lest leden ene(n) t(er)mijn van neghe(n)/
jae(re)n lanc deen na dand(er) staphans sond(er) myddel volgende/
Te wete(n) dyerste jae(r) om vijf mudde rogs d(er) maten/
van loeve(n)
dander [twee] jae(re) d(aer) na volgende [elx jaers d(aer) af] om seven mudde/
rogs en(de) de drie jae(re) dair naest volgende elx jaers d(aer) af/
om twelf mudde rogs en(de) de leste drie jae(re) d(aer) na/
/ staphans volgende elcs jaers d(aer) aff om vijfthien mudde rogs alle goet/
en(de) payabel d(er) mate(n) van loeven ts(in)te andries misse apostels te betale(n)/
en(de) tot loeven te leve(re)n en(de) telke(n) t(er)mijn alse v(er)volghde schout Ite(m) sal/
de voirs(creven) wyn de voirs(creven) [goede] wel en(de) loflic wynne(n) en(de) w(er)ven gelijc sine(n)/
reengenote(n) bove(n) en(de) benede(n) Item sal de voirs(creven) wyn der voirs(creven) joffr(ouwe)/
lijsbette(n) in alle jae(re) de leste acht jae(re) lang duerende gheve(n) en(de) betale(n)/
drie molevate erwiten ts(in)te andries oec te betale(n) en(de) te loeve(n) te leve(re)n/
en(de) telke(n) t(er)mijn t(am)q(uam) ass(ecutum) It(em) sele(n) de voirs(creven) joff(ouwe) lijsbeth en(de) de wyn/
doeft ald(aer) wassende deylen en(de) hebbe(n) half en(de) half en(de) de selve/
wyn sal d(er) voirs(creven) joffr(ouwe) lijsbette(n) hae(r) helecht tot loeve(n) leveren/
en(de) de voirs(creven) wyn sal de huysinge ald(aer) houden vand(er) underst(er) rikelen/
ned(er)wart Oec sal hi de leste acht jae(re) vande(n) voirs(creven) t(er)mijn int/
voirs(creven) hof leve(re)n iiii[c] walms goet en(de) cusbaer om de huysinge ald(aer)/
mede te decke(n) en(de) alme(n) die ald(aer) v(er)dect oft plect so sal de voirs(creven) wyn/
den wercliede(n) de montcost gheven en(de) de voirs(creven) joff(rouwe) lijsbeth de dachue(re)n/
betale(n) uutghescheiden van nuwen werc Ite(m) sal de voirs(creven) wyn d(er)/
voirs(creven) joffr(ouwe) lijsbette(n) alle jae(re) den voirs(creven) t(er)mijn duerende i molevate/
lijnsaets sayen d(aer) af si tvlas alleen hebben [sal] en(de) den selve(n) wyn/
tsaet d(aer) toe leve(re)n En(de) alle dese vorw(er)den punte(n) en(de) condicien bove(n)/
bescr(even) heeft geloeft de voirs(creven) [wyn] der voirs(creven) wyn joffr(ouwe) lijsbette(n) vast en(de)/
wel en(de) volcomelijc te houde(n) en(de) te voldoen in alle d(er) vuegen en(de) manie(re)n/
bove(n) bescr(even) en(de) telke(n) t(er)mijn alse v(er)volghde schout rike borch(oven) iunior/
junii septi(m)a
ContributorsKarel Embrechts
Moderated byKarel Embrechts
Last update: 2012-08-31 by Sabrina Keyaerts