SAL7722, Act: R°22.4-V°22.1 (10 of 216)
Search Act
previous | next
Act R°22.4-V°22.1  
Act

Transcription

 by 
It(em) claes die smet vander sluysen henric van oirbeke wonechtich t(er) sluzen/
en jan de smet des voirs(creven) claes brueder hebben geloeft ongesundert en(de)/
ongescheyden h(ere)ndaneel van zonuwe(n) biden gedoge [gods] abdt sgodshuys van/
everbode h(ere)n henrike lodewijx proefst des selfs godshuys en(de) dierike/
de molde(re) of den eene(n) van hen bring(er) des briefs sevenen(de)tsestich/
arnems guld(en) te wete(n) xl placke(n) payments voe(r) den gulde(n) gerekent/
te sente remeysmisse naist comende [jans misse bap(tis)[te(n)] naistcomende vallende en(de) sond(er) begrijp te sente remeys misse d(aer) naest volgen(de)] te betale(n) alse vervolghde schout/
als vanden schaerhout [vanden bosch] shoefs van aweyns toebehoe(re)nde den voirs(creven) godshuyse/
[daer af] dwelc de voirs(creven) claes en(de) henric den houwe jege(n) den voirs(creven) m(ijn) he(r) den/
abdt gecocht hebben gelijc den selve(n) bosch gelege(n) is neve(n) tvoirs(creven) hof van/
aweyns te zuyden wart vander slymperheyt tott(er) boschstrate(n) en(de) gelijc/
men tselve bosch gewoenlic is te houwe(n) bynne(n) de(n) grechte(n) [aldair] Item hebbe(n) geloeft/
de voirs(creven) iii p(er)sone inde(n) voirs(creven) ey bosch engheen eyken heeste(re)n te houwe(n) grote/
noch cleyne Item hebbe(n) geloeft de voirs(creven) iii p(er)sone inde hoeghde vande(n) grechte(n)/
des voirs(creven) bosch alsoe vele quechaghen te laten sal staen als behoeve(n) sal de/
grechte(n) te make(n) en(de) te houwen [houden] Item oft alsoe waer dat opte grechten/
vande(n) voirs(creven) bosch of oic omtrint den grechten alsoe vele rijs niet en/
stonde datme(n) dbosch dair mede gevreden konste So hebben geloeft de/
voirs(creven) iii p(er)sone vande(n) ande(re)n gehouwen(de) rijse alsoe vele te laten opte(n)/
voirs(creven) bosche datme(n) den selve(n) bosch daer mede wael bevreden sal
//
moghen op dat engheen beeste(n) dair in en gaen En(de) hebben noch de/
voirs(creven) drie p(er)sone geloeft den voirs(creven) bosch te houwen bynne(n) desen neesten/
toecomenden wynter en(de) thout dair uut de te vue(re)n en(de) den bosch te/
ruymen voe(r) half meye oic naist comende En(de) hier af hebben geloeft/
de voirs(creven) claes desmet en(de) henric van oirbeke den voirs(creven) janne de/
smet scadeloes tontheffene pynnoc iunior hug(ar)den julii ix[a]
Contributors
Moderated bykristiaan magnus
Last update: 2012-03-19 by Inge Moris