Cond sij allen liede(n) dat jan bailhe van bierbeke es come(n) in/ jegenwordicheyt d(er) scepen(en) van loeven en(de) heeft genome(n) en(de) bekendt dat/ hi genome(n) heeft van m(ijn) vrouwe(n) der abdissen en(de) hae(re)n conve(n)te des/ godhuys van tsh(er)togendale tgoet en(de) thof des selfs godshuys gehete(n) vand(er) ras/ schieren mette(n) huyse(n) hove(n) bog(ar)de(n) wynnende(n) lande(n) beemde bossche en(de) met/ sine(n) toebehoirte(n) te same(n) met ene(n) boend(er) beemds gelege(n) ts(ente) aeghte(n) rode/ te houden te hebbe(n) en(de) te wynne(n) van half merte nu naest comende/ ene(n) t(er)mijn van twelf jae(re)n lanc duerende deen na dand(er) dair/ na sond(er) myddel volgende elx jaers daer en bynne(n) om twintich mudde/ rogs goet en(de) payabel met wa(n)ne en(de) met vede(re)n wel bereydt d(er) maten/ van loeve(n) tsente andries misse apostels te betale(n) en(de) int voirs(creven) gods/ huys van tsh(er)togendale te leve(re)n alle jae(re) de(n) voirs(creven) t(er)mijn duerende en(de) telke(n)/ t(er)mijn alse v(er)volghde schout En(de) is ond(er)sproke(n) dat de voirs(creven) wyn op dyerste/ jae(re) vande(n) voirs(creven) t(er)mijn [en(de) niet langhe(r)] hebben sal half tcoren mette(n) stro vande(n) stuck/ lants toebehoe(re)nde de(n) goede(n) voirs(creven) gehete(n) rontcheyne It(em) sal de voirs(creven)/ wyn bynne(n) de(n) voirs(creven) t(er)mine de bossche aldair ten behoirlike(n) tide eenw(er)f/ moge(n) houwen en(de) die elsenbossche tweew(er)f en(de) de hagen en(de) de/ struvellen also dicke alst hem genuege(n) sal En(de) daer voe(r) sal de selve/

wyn der voirs(creven) m(ijn) vrouwe(n) en(de) hae(re) convent vast setten van twintich/

crone(n) eens te gheve(n) Ite(m) sele(n) de voirs(creven) m(ijn) vrou en(de) convent de(n) voirs(creven) wy(n)ne/ te sine(n) incomen lenen xii mudde rogs en(de) xii mudde evene(n) [d(er) mate(n) va(n) lov(en)] die/ hi hen wed(er) gheve(n) en(de) betale(n) sal te wete(n) deen helecht d(aer) af bynne(n)/ vi jae(re)n naest comende en(de) dander helecht ten eynde vande(n) t(er)mijn/ voirscr(even) sond(er) argelist Ite(m) sal de voirs(creven) m(ijn) vrouwe en(de) convent de(n) voirs(creven)/ wy(n)ne leve(re)n twee coeye en(de) die salme(n) te ghelde scatten en(de) die sal/ de voirs(creven) wyn de(n) voirs(creven) godshuys wed(er) gheve(n) en(de) betale(n) van half m(er)te/ naest co(men)[de] bynne(n) vi jae(re)n d(aer) naest volgende Ite(m) salele(n) de voirs(creven) wyn/ en(de) [m(ijn) vrou en(de)] convent elc van hen jaerlex hie(re)n bynne(n) buten copen/ vijfhondert scove stroes de welke de voirs(creven) wynne bynne(n) den/ voirs(creven) hove met sine(n) beeste(n) op sine(n) cost sal moete(n) sliten Ite(m) sal de/ voirs(creven) wyn jaerlix de(n) voirs(creven) t(er)mijn duerende leve(re)n iii[c] walms/ om de husinghe ald(aer) mede te decke(n) En(de) alsmen die ald(aer) verdect of/[int voirs(creven) hof] ty(m)mert metst oft plect dair af sal de voirs(creven) wyn den/ wercliede(n) de(n) montcost gheve(n) en(de) de voirs(creven) m(ijn) vrouwe [sal] de dachhue(re)n/ betale(n)
//
en(de) den wercliede(n) hoppe seynde(n) die de wynne hale(n) sal It(em) sal de/ voirs(creven) wyn de huysinghe ald(aer) houden vand(er) und(er)ster rikele(n) ned(er)/ wart op sine(n) cost Ite(m) sal de voirs(creven) wyn alle de lande late(n)/ ten eynde vande(n) voirs(creven) t(er)mijn gelijc hi die vijndt te sinen/ aencome(n) En(de) [den] dwynt(er) aert sal hi laten besayt met wynt(er)core(n)/ op vier getideghe voren Ite(m) sal de voirs(creven) wyn int voirs(creven)/ hof de(n) voirs(creven) t(er)mijn duerende houde(n) hondert scape Ite(m) sal/ de voirs(creven) wyn hebbe(n) de weyde vanden bosschelke(n) gehete(n)/ mossemeere dwelc hi also houde(n) en(de) bevreeden sal dat de(n)/ voirs(creven) godshuyse dair af gheen scade en come Ite(m) sal de/ selve wyn sijn beeste(n) moge(n) driven op des voirs(creven) godshuys/ bosch bi meerdal gelege(n) op sine(n) last dwelc hi also/ verwae(re)n sal dat de(n) selve(n) godshuyse d(aer) af gheen scade en/ come Ite(m) sal de voirs(creven) [wyn de] weghe omtrent de(n) hove gelegen/ houde(n) wel en(de) loflic also dat de(n) voirs(creven) godshuyse d(aer) af/ gheen ongerief noch scade en come En(de) alle dese vorwerde(n)/ punte(n) en(de) condicie(n) bove(n) bescr(even) heeft geloeft de voirs(creven) jan/ bailhe de(n) voirs(creven) godshuyse wel en(de) volcomelic te voldoen en(de)/ te betale(n) in alle de(n) forme(n) voege(n) en(de) manie(re)n bove(n) bescr(even)/ en(de) telke(n) t(er)mijne alse v(er)volghde schout opp(endorp) hug(ar)de(n) m(ar)tii vii
//